Umlayezo Oya Kubazali

Yisiphi isipho esingcono ukwedlula zonke ongasinika abantwabakho? Kulezinto ezinengi abazidingayo, ezigoqela ukuthi ubathande, ubaqondise futhi ubavikele. Kodwa isipho esiqakatheke ukwedlula zonke ongabapha sona lulwazi ngoJehova kanye leqiniso elitholakala eLizwini lakhe, iBhayibhili. (UJohane 17:3) Ulwazi lolo lunganceda abantwabakho ukuthi bathande uJehova njalo bamkhonze ngenhliziyo yonke kusukela besesebancane.​—UMathewu 21:16.

Abazali abanengi sebakunanzelela ukuthi abantwana abancane bakhangwa kakhulu yizifundo ezimfitshane eziba lokuthile okokwenza. Ngakho-ke siyathokoza ukulinika ibhuku leli elithi, Izifundo Zami zeBhayibhili. Isifundo ngasinye senzelwe ukufundisa ngendlela elula. Amapikitsha ahambisana lamabala enzelwe kakhulu abantwana abaleminyaka emithathu kusiya phansi. Kufakwe lokunye elingakwenza. Ibhuku leli elithi Izifundo Zami zeBhayibhili kalisiyo thoyi yokuthi abantwana badlalise. Kulalokho, lenzelwe ukuthi ubale labantwabakho, ngaleyo ndlela usenza ukuthi kube lokukhulumisana okuhle.

Sileqiniso lokuthi ibhuku leli lizakunceda ekufundiseni abantwabakho iqiniso leBhayibhili “kusukela ebuntwaneni.”​—2 KuThimothi 3:14, 15.

Abafowenu,

IQula Elibusayo laboFakazi bakaJehova

[Umfanekiso osekhasini 3]