Ukulila
IBhayibhili likhuluma ngabantu abalilayo ngesikhathi befelwe
Kuyini okutshengisa ukuthi uJehova ufuna ukubaduduza labo abalilayo?
Ukwazi ukuthi kwenzakalani nxa umuntu angafa kungasiduduza njani?
Izibonelo eziseBhayibhilini:
Luk 20:37, 38—UJesu uthi indaba yokuvuswa kwabafileyo iliqiniso sibili ngoba lanxa abantu befile kuJehova bangathi bayaphila
Joh 11:5, 6, 11-14—Ngesikhathi umngane kaJesu uLazaro esefile uJesu uthi ulele
Heb 2:14, 15—Umphostoli uPhawuli uthi akumelanga sikwesabe ukufa
Kuyini okungenza umuntu abe ligugu kuJehova nxa esefile kulangesikhathi ezalwa?
IBhayibhili lithini ngokufa futhi uNkulunkulu uzakwenzani ngabantu abafileyo?
Kuyini okwenza singathandabuzi ukuthi abafileyo bazavuswa?
Isy 26:19; Joh 5:28, 29; Imis 24:15
Izibonelo eziseBhayibhilini:
Kulabantu abangu-9 okukhulunywa ngabo eBhayibhilini abavuswayo, abangu-8 bakhona bavuswa baphila emhlabeni. Indaba ngayinye okukhulunywa ngayo eBhayibhilini ingabaduduza labo abafelweyo futhi ibenze babe lethemba lokuphinda babone izihlobo zabo ngesikhathi esizayo
1Am 17:17-24—U-Elija uvusa indodana yomfelokazi waseZarefathi edolobheni okuthiwa yiSidoni
2Am 4:32-37—Umphrofethi u-Elisha uvusa omunye umfanyana edolobheni laseShunemi
2Am 13:20, 21—Indoda ebisanda kufa iyavuka ngesikhathi bejikela isidumbu sayo lapho okwakungcwatshwe khona u-Elisha
Luk 7:11-15—Ngesikhathi uJesu efika edolobheni laseNayini uvusa indodana yomfelokazi ebisisiyangcwatshwa
Luk 8:41, 42, 49-56—UJesu uvusa indodakazi kaJayirosi umphathi wesinagogi
Joh 11:38-44—UJesu uvusa umngane wakhe uLazaro futhi uMatha loMariya bayathokoza sebembona
Imis 9:36-42—Umphostoli uPhetro uvusa uDokhasi, owesifazana ongumKhristu owayedume ngokwenzela abanye okuhle
Imis 20:7-12—Umphostoli uPhawuli uvusa ijaha okuthiwa nguYuthikhu
UJehova wavusa uJesu wayaphila ezulwini futhi lokho kwenza sibe lethemba lokuthi abafileyo bazavuswa
UJesu waba ngowokuqala ukuvuswa ayephila ezulwini kodwa kayisuye wokucina ngoba kulabangu-144 000 abazavuswa bayephila ezulwini