Ukuhlanganiswa Kwamasonto
Bonke abantu abasontayo bakhonza uNkulunkulu oyedwa yini?
UNkulunkulu uyawamukela yini amasonto wonke lanxa efundisa izinto ezitshiyeneyo?
Mat 7:13, 14; Joh 17:3; Efe 4:4-6
Izibonelo eziseBhayibhilini:
Jos 24:15—UJoshuwa uthi abantu bazikhethele ukuthi bazakhonza uJehova kumbe bazakhonza abanye onkulunkulu
1Am 18:19-40—UJehova usebenzisa umphrofethi wakhe u-Elija ukuze atshengise ukuthi abantu abamkhonzayo akumelanga bakhonze abanye onkulunkulu
UJehova uzwa njani nxa ebona abantu bekhonza abanye onkulunkulu?
UJehova uzwa njani nxa abantu besithi bayamkhonza kodwa besenza imikhuba ayizondayo?
Isy 1:13-15; 1Kr 10:20-22; 2Kr 6:14, 15, 17
Izibonelo eziseBhayibhilini:
Eks 32:1-10—UJehova uyazonda kakhulu ngesikhathi u-Aroni ebumba isithombe sethole lanxa abantu besithi benza umkhosi kaJehova
1Am 12:26-30—INkosi uJerobhowami ibumba izithombe isenzela ukuthi abantu bangasahambi ukuyakhonza eJerusalema futhi lokhu kwenza abantu bone
UJehova wabafundisa njani abako-Israyeli ukuthi bangabi lobungane labantu abakhonza abanye onkulunkulu?
UJehova wenzani ngesikhathi abantu bakhe beqalisa ukwenza imikhuba eyayisenziwa ngabantu ababekhonza abanye onkulunkulu?
Aba 10:6, 7; Hu 106:35-40; Jer 44:2, 3
Izibonelo eziseBhayibhilini:
1Am 11:1-9—INkosi uSolomoni ikhonza onkulunkulu abakhonzwa ngabafazi bayo bezizweni futhi lokhu kwenza uJehova azonde kakhulu
Hu 78:40, 41, 55-62—U-Asafi uchasisa ukuthi ama-Israyeli azwisa uJehova ubuhlungu ngokumhlamukela lokukhonza futhi lokhu kwenza uJehova awalahle
UJesu wayevumelana lemfundiso eziphikisana lalokho okutshiwo liBhayibhili yini?
Izibonelo eziseBhayibhilini:
Mat 16:6, 12—UJesu ufanisa izimfundiso zabaFarisi labaSadusi lemvubelo ngoba aziphuzi ukonakalisa iqiniso eliseLizwini likaNkulunkulu
Mat 23:5-7, 23-33—UJesu usola abaFarisi lababhali ngendlela abaziphatha ngayo lezinto ezingaqondanga abazifundisa abantu
Mak 7:5-9—UJesu uveza ukuthi ababhali labaFarisi baqakathekisa amasiko ukwedlula lokho okufundiswa liLizwi likaNkulunkulu
UJesu wakhuthaza abalandeli bakhe ukuthi badabukane babe zinkolo ezitshiyeneyo yini?
Izibonelo eziseBhayibhilini:
Joh 15:4, 5—UJesu usebenzisa umzekeliso wesihlahla samagilebisi ukuze atshengise ukuthi abalandeli bakhe kumele bahlale bemanyene laye kanye lamanye amaKhristu
Joh 17:1, 6, 11, 20-23—Ngobusuku bokucina uJesu engakabulawa uthandazela ukuthi abalandeli bakhe bahlale bemanyene
Amabandla angesikhathi sabaphostoli ayekholwa izinto ezifananayo futhi ekhonza uJehova ngendlela efananayo yini?
Izibonelo eziseBhayibhilini:
Imis 11:20-23, 25, 26—Amabandla ase-Antiyokhi laseJerusalema atshengisa ukuthi abambene futhi ayancedisana
Rom 15:25, 26; 2Kr 8:1-7—Amabandla atshiyeneyo ayancedisana ngesikhathi kulendlala etshengisa ukuthi ukuba lothando kuyawamanyanisa amabandla
UNkulunkulu wamukela zonke inkolo ezithi ziyakholwa kuKhristu yini?
Nxa abantu bengakuqakathekisi okwafundiswa nguKhristu labaphostoli, ukukhonza kwabo kuyabe kusamukeleka yini?
Izibonelo eziseBhayibhilini:
Mat 13:24-30, 36-43—UJesu usebenzisa umzekeliso ukuze atshengise ukuthi amaKhristu amanga ayezagcwala ephambanise ibandla njengokhula olumila emasimini
1Jo 2:18, 19—Umphostoli uJohane uthi sebebanengi abaphikukhristu