Umbuthano Okungamelanga Uwukhuthe

Ngobusuku bokucina uJesu esezanikela ukuphila kwakhe, walaya abalandeli bakhe abathembekileyo ukuthi bakhumbule kumbe bananze umhlatshelo wakhe. Esebenzisa isinkwa esingelamvubelo kanye lewayini elibomvu, waqalisa lokho okubizwa ngokuthi iSidlo Sokucina kumbe iSidlo seNkosi Santambama wasesithi: ‘[Qhubekani, NW ] likwenza lokhu kube yisikhumbuzo sami.’​—⁠ULukha 22:⁠19.

Emhlabeni wonke oFakazi bakaJehova babuthana umnyaka ngamunye ukuze bananze ukufa kukaJesu ngesikhathi esiqondana lelanga afa ngalo. Ngo-2014, iSikhumbuzo siyabe simhlaka-14 April ngoMvulo ilanga selitshonile.

Uyanxuswa ngomusa ukuthi ube khona embuthanweni lo, lapho ozathola khona okunengi mayelana lokuthi ukufa kukaJesu kuqakatheke ngani. Kungenwa mahala. Akulamali ezacelwa ebantwini. Umuntu okunike imagazini le nguye ongakutshela isikhathi kanye lalapho okungenelwa khona iSikhumbuzo duze lalapho ohlala khona kumbe ungakhangela kuWebhusayithi yethu i-jw.org. Sicela ungalikhohlwa ilanga leli esithemba ukuthi awusoze ulikhuthe.