“Ngizathatha Elakho Ibhuku Nxa Lawe Ungathatha Elami”
Lokhu kujayele ukutshiwo ngabanye abaninimuzi. Singaphendula njani ngonanzelelo njengoba singantshintshanisi amabhuku ethu anceda abantu lamabhuku enkolo amemethekisa amanga? (Roma. 1:25) Singathi: “Ngiyabonga ngokuthi ucabange ukunginika. Ibhuku ofuna ukunginika lona lithini ngokuqedwa kwezinhlupho zabantu? [Melela impendulo. Nxa engakucela ukuthi ubale ibhuku lakhe ukuze uthole impendulo, ungamkhumbuza ukuthi wena kawuzange umnike elakho ibhuku ungamtshelanga ukuthi liphetheni. Ngemva kwalokho, bala kumbe utsho ngamafitshane okukumbhalo kaMathewu 6:9, 10.] UJesu wathi uMbuso kaNkulunkulu uzakwenza ukuthi intando kaNkulunkulu yenziwe emhlabeni. Ngakho-ke, ngibala kuphela amabhuku enkolo akhuluma ngoMbuso kaNkulunkulu. Ngingakutshengisa yini eBhayibhilini ezinye izinto ezithile ezizakwenziwa nguMbuso kaNkulunkulu?”