Izintshumayelo Eziyisibonelo

I-Kingdom News No. 38

“Ngenza umsebenzi owenziwa emhlabeni wonke wokuhambisa iphetshana leli elilomlayezo oqakathekileyo. Nanti elakho.”

Nanzelela: Ukuze lihlanganise insimu, yenza intshumayelo yakho ibe mfitshane. Kodwa ngezinye izikhathi, umninimuzi angatshengisa ukuthi uyakuthanda ukufunda iBhayibhili njalo ufisa ukuthi lixoxe. Nxa kungaba njalo, ungacela ukuthi atsho lokho akucabangayo ngombuzo osekhasini lokuqala, bala laye impendulo yeBhayibhili ekulelo phetshana njalo lixoxe ngokumunyethwe liphetshana leli kusiya ngesikhathi. Ungakehlukani laye, mtshengise umbuzo ongaphansi kwesihloko esithi “Okumele Ucabange Ngakho” ubusuhlela ukuthi ungaphenduka nini ukuze lizoxoxa ngawo.

INqabayokulinda December 1

“Silokunengi kokwenza ezimpilweni zethu kulezinsuku okokuthi ngezinye izikhathi kuba nzima ukuthi sicabange ngoNkulunkulu. Ucabanga ukuthi kuqakathekile yini ukuba loNkulunkulu ezimpilweni zethu? [Melela impendulo.] Entshumayelweni yakhe yasentabeni, uJesu wathi ukuqondiswa yiLizwi likaNkulunkulu kwenza ukuthi sithokoze futhi sibusiswe. [Bala UMathewu 5:⁠3.] Imagazini le iveza izizatho ezintathu ezitshengisa ukuthi kuqakathekile ukuba loNkulunkulu ezimpilweni zethu.”

Awake! December

“Inengi lethu siba lemibono esekelwe kulokho esikuzwayo emsakazweni kanye lesikubala kumaphephandaba. Ucabanga ukuthi izindaba esizamukelayo ngezeqiniso njalo singazethemba yini? [Melela impendulo.] IBhayibhili lisikhuthaza ukuthi siqaphele ukuthi singakholwa yonke into esiyizwayo. [Bala UJobe 12:​11.] Imagazini le isinika amacebo angasinceda ukuthi singahlola njani lokho esikuzwayo kanye lesikubalayo.”