Izaziso

◼ Okuzahanjiswa ngo-January lango-February: Hambisa elinye lamabhukwana la elilamakhasi angu-32: Izindaba Ezinhle Ezivela kuNkulunkulu, Lalela UNkulunkulu kumbe elithi Lalela uNkulunkulu Uphile Kuze Kube Nini Lanini. Ngo-March lango-April: I-Nqabayokulinda le-Awake! Ngo-May: IBhayibhili Lifundisani Sibili? kumbe elinye lamaphetshana amatsha ethulwa emhlanganweni wesigaba ka-2013.

◼ Nxa udade esiya esifundweni seBhayibhili esihlelekileyo lommemezeli wesilisa ongabhaphathizwanga akudingeki ukuthi amboze ikhanda. Loba kunjalo, njengoba abanye emphakathini besazi lommemezeli wesilisa eyingxenye yebandla, umzwangedwa wabanye odade ungabenza bafune ukumboza amakhanda abo. Lokhu kucacisa ukuqondiswa okusebhokisini lemibuzo eliku-Nkonzo Yethu YoMbuso ka-November 2013.