Izintshumayelo Eziyisibonelo

Ukuqalisa Izifundo zeBhayibhili ngoMgqibelo Wokuqala ka-December

“Silivakatshele ukuze sixoxe ngokuthi iBhayibhili lithini ngezimuli. Abazali abanengi bafisa ukuthi abantwababo bathande uNkulunkulu. Ucabanga ukuthi abazali kumele bafundise abantwababo ukuthanda uNkulunkulu yini, kumbe ucabanga ukuthi abantwana kumele bazifundele bodwa?” Melela impendulo. Mtshengise ikhasi elingemuva kwe-Nqabayokulinda ka-December 1, beselixoxa ngombuzo wokuqala njalo libale umbhalo owodwa ofakiweyo. Mnike amamagazini ubusuhlela ukuphenduka lizoxoxa ngombuzo olandelayo.

INQABAYOKULINDA December 1

“Sivakatshela omakhelwana okwesikhatshana ukuze sixoxe ngoNkulunkulu. Sonke silemibono etshiyeneyo ngoNkulunkulu. Ucabanga ukuthi abantu abanengi bambona njengomuntu ongelathando yini kumbe bacabanga ukuthi ungumngane olendaba labo? [Melela impendulo.] Ivesi le isitshela ukuthi uNkulunkulu ufuna sibe lobuhlobo obunjani laye. [Bala uJakhobe 4:8a.] Imagazini le ikhuluma ngezinto ezintathu esingazenza ukuze sisondele kuNkulunkulu.”

December

“Sikuvakatshele okwesikhatshana ngoba sikhathazekile ngohlupho oselusehlela abantu abanengi. Inhlanganiso okuthiwa yi-World Health Organization ebona ngempilakahle yabantu icabangela ukuthi ngokuhamba kwesikhathi umuntu oyedwa kwabane uzahlaselwa ngumkhuhlane wokuhlulukelwa. Ucabanga ukuthi inani labantu abahlaselwa ngumkhuhlane wokuhlulukelwa liyanda yini? [Melela impendulo.] IBhayibhili lisithembisa ukuthi esikhathini esizayo emhlabeni kuyabe kungaselabuhlungu lokugula. [Bala ISambulo 21:​3, 4.] Imagazini le ichasisa okunye okumele sikwazi ngomkhuhlane lo.”