Ukuphindela Emuva Ngesikolo Senkonzo SamaKhristu
Imibuzo elandelayo kuzaxoxwa ngayo kuSikolo Senkonzo SamaKhristu ngeviki eqalisa ngo-April 27, 2015. Kubhalwe ilanga umcijo ngamunye okuzaxoxwa ngawo ukuze lenelise ukuwulungiselela iviki ngayinye.
Ngolunjani uthando oluqotho, futhi kumele lusebenze kuziphi izimo empilweni? (Rut. 1:16, 17) [Mar. 2, w12-ZU 7/1 k. 26 indima 6]
Kuyini okwenza uRuthe waziwa ngokuthi “ungowesifazana oqotho”? (Rut. 3:11) [Mar. 2, w12-ZU 10/1 k. 23 indima 1]
Isibonelo sikaHana singasinceda njani nxa silezinhlupho? (1 Sam. 1:16-18) [Mar. 9, w07-ZU 3/15 k. 16 izindima 4-5]
Ngesikhathi uSamuyeli esesengumfana futhi ‘ekhula phambi kukaJehova,’ kuyini okwamvikelayo ukuze angaphanjaniswa yisibonelo esibi samadodana ka-Eli? (1 Sam. 2:21) [Mar. 9, w10-ZU 10/1 k. 16 izindima 2-3]
Singafundani esibonelweni sikaSawuli sokungenzi ngobuwula ngesikhathi kulabantu ‘abayizidlwangudlwangu’ ababengafuni ukubuswa nguye? (1 Sam. 10:22, 27) [Mar. 23, w05-ZU 3/15 k. 23 indima 1]
USawuli wayecabanga ukuthi uJehova angajatshuliswa ngumnikelo ukwedlula ukulalela. Yisiphi isifundo esiqakathekileyo esingasifunda embonweni kaSawuli? (1 Sam. 15:22, 23) [Mar. 30, w07-ZU 6/15 k. 26 izindima 3-4]
Kungani kusiduduza ukwazi ukuthi uJehova “ukhangela inhliziyo” yomuntu? (1 Sam. 16:7) [Apr. 6, w10-ZU 3/1 k. 23 indima 7]
Kuyini okuqanjwe kuZaga 1:4 okumele sikusebenzise nxa sikhangelane lesimo esinzima? (1 Sam. 21:12, 13) [Apr. 13, w05-ZU 3/15 k. 24 indima 4]
Kungani sisithi u-Abhigeli wayengahlamukeli ubunhloko bomkakhe ngesikhathi esipha uDavida lamadoda ayelawo ukudla? (1 Sam. 25:10, 11, 18, 19) [Apr. 20, w09-ZU 7/1 k. 20 indima 3]
Ukuxolisa kuka-Abhigeli lanxa wayengonanga kusifundisani? (1 Sam. 25:24) [Apr. 20, w02-ZU 11/1 k. 5 izindima 1, 4]