UJesu Wafela Labanye

UJesu wanikela ngokuphila kwakhe ngenxa yabantu abalesono. (Rom 5:8) Akuthandabuzwa ukuthi sonke siyabonga ukuthi uJesu watshengisa ukuthi uyasithanda ngokunikela ngokuphila kwakhe ngenxa yethu. Kodwa kwesinye isikhathi kumele sikhumbule ukuthi uJesu wafela labanye abantu. Singabatshengisa njani uthando olunjengolukaKhristu abafowethu labodadewethu abalesono njengathi? Ake sixoxe ngezindlela ezintathu. Okokuqala, singakwenza ngokuba labangane abakhuliswe ngendlela etshiyene leyethu. (Rom 15:7; 2Kr 6:12, 13) Okwesibili, kumele sixwaye ukukhuluma loba ukwenza izinto ezingakhuba abanye. (Rom 14:13-15) Okwesithathu, nxa umuntu angasiphambanisa singazama ukumxolela masinya. (Luk 17:3, 4; 23:34) Nxa singazama ngamandla wonke ukulingisela uJesu ngezindlela lezi ezintathu, uJehova uzakwenza kube lokuthula lokumanyana ebandleni.

BUKELANI IVIDIYO ETHI QHUBEKA UTHUTHUKISA UBUNTU BAKHO, BESELIPHENDULA IMIBUZO ELANDELAYO:

• 

  UMiki wayebabona njani abantu ebandleni esanda kufika?

• 

  Kuyini okwenza wantshintsha indlela ayebabona ngayo?

• 

  Isibonelo sikaJesu samnceda njani uMiki ukuthi antshintshe indlela ayecabanga ngayo? (Mak 14:38)

• 

  Umbhalo kaZaga 19:11 ungasinceda njani ukuthi sibone okuhle kwesikhonza labo?