“Umhlaba Wonke Wawulolimi Lunye”

11:1-4, 6-9

UJehova wenza abantu basabalala emhlabeni wonke ngemva kokuthi esanganise ulimi lwabantu ababengamlaleli ababeseBhabheli. Lamuhla uqoqa ixuku elikhulu eliphuma kuzo zonke izizwe lezindimi futhi ulinike “ulimi oluhlambulukileyo” ukuze ‘libize ibizo lakhe njalo limkhonze limanyene.’ (Zef 3:9, TBS; Sam 7:9) “Ulimi oluhlambulukileyo” liqiniso elimayelana loJehova lenhloso yakhe esifunda ngakho eBhayibhilini.

Ukufundela ulimi olutsha akupheleli ekwazini amabala kuphela. Kuyabe kumele umuntu afunde ukuntshintsha lendlela acabanga ngayo. Kunjalo langabantu abafunda ulimi oluhlambulukileyo lweqiniso, izingqondo zabo ziyaguqulwa. (Rom 12:2) Ukuqhubeka sisenza untshintsho lolu yikho okwenza simanyane ekukhonzeni uJehova.​—1Kr 1:10.