IMPILO YAMAKHRISTU
Nanzelela Indlela UJehova Aphendula Ngayo Imithandazo Yakho
Minengi imithandazo eseBhayibhilini eyaphendulwa nguJehova. Akuthandabuzwa ukuthi ukholo lwezinceku zakhe lwaluqina lapho zinanzelela ukuthi wayekuzwa ukukhala kwazo futhi ezincedisa. Lokhu kutshengisa ukuthi kumele sitshele uJehova khona kanye okusenhliziyweni zethu besesizama ukubona ukuthi usiphendula njani. Kumele sikhumbule ukuthi angaphendula imithandazo yethu ngendlela ebesingayikhangelelanga kumbe enze okudlula ebesikukhangelele. (2Kr 12:7-9; Efe 3:20) Nanzi izibonelo:
Angasinika amandla njalo asenze sihlaliseke futhi asincedise sibe lokholo nxa silwisana lohlupho.—Flp 4:13
Angasinika ukuhlakanipha ukuze senze isinqumo esihle.—Jak 1:5
Angasinika isifiso lamandla okwenza okuthile.—Flp 2:13
Angasinceda sihlaliseke nxa sikhathazekile.—Flp 4:6, 7
Angasebenzisa abanye ukuthi basinike esikudingayo kumbe basiduduze njalo basikhuthaze.—1Jo 3:17, 18
BUKELANI IVIDIYO ETHI UJEHOVA UYAYIZWA IMITHANDAZO YETHU, BESELIPHENDULA IMIBUZO ELANDELAYO:
Okwenziwa ngumfowethu uShimizu kungasinceda njani nxa singasenelisi ukwenza okunengi ngenxa yokugula?
Singamlingisela njani umfowethu uShimizu?