SEPTEMBER 22-28

UMTSHUMAYELI 1-2

Ingoma 103 Lomthandazo | Amazwi Okuvula (1 umzu.)

AMAGUGU ASELIZWINI LIKANKULUNKULU

1. Qhubekani Lifundisa Isizukulwane Esilandelayo

(10 imiz.)

[Bukelani IVIDIYO ethi Isethulo SikamTshumayeli.]

Isizukulwane ngasinye silomlandu wokufundisa esilandelayo (Tsh 1:4; w17.01 27-28 ¶3-4)

Nxa singafundisa abanye besesibanika imisebenzi abangayenza, siyabe sibavumela ukuthi bathole intokozo yokusebenza nzima emsebenzini kaJehova (Tsh 2:24)

Umfowethu osakhulayo ongumdala webandla uqhuba iSifundo “SeNqabayokulinda” ngapha umfowethu osekhulile obala indima emkhangele ebobotheka. — Lanxa uwukholisa umsebenzi owenzayo ungayekeli ukuqeqetsha abafowethu abasakhulayo ukuthi labo benelise ukuwenza

2. Ukuchwayisisa IMibhalo

(10 imiz.)

Tsh 2:11—USolomoni wathini ngokuthi umuntu asebenze ebuthelela izinto ezinengi? (w18.12 22 ¶14)

Impendulo yakho
Yiwaphi amagugu owathole ekubalweni kweBhayibhili kwaleliviki?

Impendulo yakho

3. Ukubalwa KweBhayibhili

(4 imiz.) Tsh 1:1-18 (th isifundo 11)

ZINIKELE EMSEBENZINI WOKUTSHUMAYELA

4. Ukuqalisa Ingxoxo

(2 imiz.) UKUTSHUMAYELA LAPHO KUVELA ITHUBA. Dinga ukuthi umuntu okhuluma laye angathanda ukuthi lixoxe ngani. Hlela ukuthi lizaphinda lithintane njani. (lmd isifundo 3 umcijo 5)

5. Ukuqalisa Ingxoxo

(2 imiz.) UKUTSHUMAYELA OBALA. Dobha indaba ongaxoxa ngayo lomuntu ngaphansi kwesihloko esithi “Iqiniso EliseBhayibhilini Esithanda Ukulifundisa Abantu” kusengezo A kubhukwana elithi Thanda Abantu. Sebenzisa indlela yokutshumayela ebhalwe khonapho. (lmd isifundo 2 umcijo 3)

6. Ukuphindela

(2 imiz.) UKUTSHUMAYELA LAPHO KUVELA ITHUBA. Phendula umbuzo owawubuzwe ngumuntu liqala ukubonana. (lmd isifundo 9 umcijo 5)

7. Ukwenza Abafundi

(5 imiz.) UKUTSHUMAYELA OBALA. Mtshengise uthi isifundo seBhayibhili senziwa njani beselihlela ukuqhubeka lifunda. (lmd isifundo 10 umcijo 3)

IMPILO YAMAKHRISTU

Ingoma 84

8. Izinto Ezintathu Okumele Uzikhumbule Nxa Uqeqetsha Abanye

(15 imiz.) Ingxoxo.

Okusemfanekisweni: Abafowethu bafundisa abanye imisebenzi. Kowokuqala, umfowethu ufundisa udadewethu ukusebenzisa umtshina othile ngesikhathi kusakhiwa isakhiwo senhlanganiso. Kowesibili, umfowethu osekhulile ukhangele umfowethu osakhulayo ngesikhathi ephrakthiza inkulumo yakhe eWolu yoMbuso kungelabantu. Umfowethu osekhulile uphethe ibhukwana elithi “Khuthalela Ukubala Lokufundisa.” Kowesithathu, umfowethu ufundisa ijaha elisakhulayo ukufaka amabhatri emayikhi. Kowesine, ubaba lamadodana akhe amabili bayaklina eWolu yoMbuso. Ubaba lendodana yakhe endala bayathanyela, indodana encane iklina iphodiyamu. — Nxa sibathanda abanye sizabaqeqetsha ukuze umsebenzi kaJehova uqhubekele phambili

Kulabantu abanengi okukhulunywa ngabo eBhayibhilini esingafunda kubo indlela enhle yokuqeqetsha abanye. Ngokwesibonelo, uSamuyeli wafundisa uSawuli, u-Elija wafundisa u-Elisha, uJesu wafundisa abafundi bakhe njalo uPhawuli wafundisa uThimothi. Lanxa kunjalo uJehova nguye uMfundisi oMkhulu ukwedlula bonke. Kuyini esingakufunda kuye?

Bukelani IVIDIYO ethi Qeqetsha Abanye NjengoJehova (Joh 5:20)—Isiqephu. Ngemva kwalokho buza umbuzo olandelayo:

Yiziphi izinto ezintathu esingazifunda kuJehova nxa siqeqetsha abanye?

Impendulo yakho

9. ISifundo SeBhayibhili Sebandla

(30 imiz.) lfb isifundo 20 lo-21