Ukukhumbula Amavesi

Kuyake kukuthwalise nzima yini ukukhumbula ivesi oyithandayo? Kungaba yivesi ekududuzayo, kumbe ekunceda ukuthi ulungise indlela ocabanga ngayo loba eyinye nje ofuna ukuyibalela omunye umuntu. (Hubo. 119:​11, 111) Nanka amacebo ongawasebenzisa nxa ufuna ukukhumbula amavesi athile.

• Sebenzisa ama-tag aku-JW Library^® app. Bhala i-tag ethi “Amavesi Engiwathandayo,” ubusuwagcina lapho amavesi owathandayo.

• Yinamathisele lapho ozahlala uyibona khona. Bhala ephepheni ivesi ofuna ukuyikhumbula ubusufaka iphepha lelo lapho ozahlala ulibona khona. Abanye bajayele ukulinamathisela esibukweni kumbe esivalweni sefriji. Abanye benza ivesi leyo ibe yi-screen saver kukhompiyutha kumbe efonini.

• Bhala amavesi emakhadini. Bhala ibizo lebhuku kanye lesahluko sakhona kwelinye icele kuthi kwelinye ufake amazwi evesi leyo. Khangela ibizo lebhuku kanye lesahluko sakhona ubusuzama ukukhumbula ukuthi amazwi evesi leyo athini, kumbe ukhangele amazwi akhona ubusuzama ukucabanga ukuthi ivesi yakhona yiphi.