Isethulo Sengxenye 10

UJehova unguMbusi wendawo yonke. Ulamandla okwenza ukuthi izinto zihambe ngendlela yakhe. Ngokwesibonelo wenza ukuthi uJeremiya akhutshwe emthonjeni olodaka. Wenza ukuthi uShadrekhi, uMishekhi lo-Abhedinikho bangatshi emlilweni ovuthayo njalo wavikela uDanyeli ukuthi angadliwa yizilwane. UJehova wavikela u-Esta ukuze enelise ukusiza isizwe sakibo ukuthi singabulawa. Kasoze avumele ukuthi ububi buhlale bukhona emhlabeni. Amaphupho esithombe esikhulu lesihlahla esikhulu atshengisa ukuthi uMbuso kaJehova uzaqeda bonke ububi obukhona njalo wona ubuse umhlaba wonke.