Isiphrofetho ‘Samathambo Awomileyo’ ‘Lesabofakazi Ababili’—Zingenelana Njani?

NGO-1919 kwagcwaliseka iziphrofetho ezimbili ezihambelanayo. Kwagcwaliseka isiphrofetho ‘samathambo awomileyo’ ‘lesabofakazi ababili.’ Umbono ‘wamathambo awomileyo’ utshengisa ukuthi kwakuzathatha isikhathi eside, amakhulu eminyaka, ukuthi abantu bakaNkulunkulu bavuselelwe. Wona ukhuluma ngalokho okwakuzakwenzakala kubo bonke abantu bakaNkulunkulu. (Hez. 37:2-4; Isam. 11:1-3, 7-13) Isiphrofetho ‘sabofakazi ababili’ sona sikhuluma ngokuvuselelwa kweqembu elincane labantu bakaNkulunkulu futhi sitshengisa ukuthi babezavuselelwa ngemva kwesikhathi esifitshane. Sagcwaliseka kusukela ekucineni kuka-1914 kusiya ekuqaliseni kuka-1919. Zombili zikhuluma ngokuvuselelwa futhi zagcwaliseka ngo-1919 ngesikhathi uJehova esenza ukuthi abantu bakhe abagcotshiweyo ‘basukume bame ngenyawo’ baphume eBhabhiloni Enkulu, babumbe ibandla lamaKhristu eqiniso.—Hez. 37:10.

Kodwa nanzelela umehluko okhona phakathi kweziphrofetho lezi. Isiphrofetho ‘samathambo awomileyo’ sikhuluma ngokuvuselelwa kwabo bonke abagcotshiweyo ababesemhlabeni. Kodwa isiphrofetho ‘sabofakazi ababili sona sikhuluma ngokuvuselelwa kwabagcotshiweyo abalutshwana ababekhokhela enhlanganisweni futhi ababekwa ukuthi babe ‘yinceku ethembekileyo lehlakaniphileyo.’—Mat. 24:45; Isam. 11:6.a

‘Isigodi Esigcwele Amathambo’—Hez. 37:1

1. NGEMVA KUKA-100 C.E.

   Kusukela ngo-100 C.E. ibandla lamaKhristu agcotshiweyo labulawa, ‘isigodi’ sagcwala ‘amathambo’

2. EKUQALISENI KUKA-1919

   Ngo-1919: ‘Amathambo awomileyo’ avuka aphila ngesikhathi uJehova ekhipha bonke abagcotshiweyo eBhabhiloni Enkulu futhi ebafaka ebandleni lamaKhristu eqiniso

‘Ofakazi Ababili’—Isam. 11:3.

1. EKUCINENI KUKA-1914

   batshumayela begqoke “izembatho zamasaka”

   Ngo-1914: ‘Ofakazi ababili’ batshumayela ‘begqoke amasaka’ okweminyaka emithathu lengxenye. Ngemva kwesikhathi leso babulawa

2. bayafa

3. EKUQALISENI KUKA-1919

   Ngo-1919: ‘Ofakazi ababili’ bavuka baphila ngesikhathi iqembu elincane labafowethu abagcotshiweyo ababekhokhela libekwa ukuthi libe ‘yinceku ethembekileyo lehlakaniphileyo’