IBHOKISI 16B
Ukububula Lokukhala, Ukufakwa Uphawu Kanye Lokubulawa—Kwenzakala Nini Futhi Njani?
Umbono okuHezekheli isahluko 9 uyagcwaliseka lasesikhathini sethu. Ukuzwisisa ukuthi izinto zizakwenzakala njani kuyasiqinisa ukholo kusenze singesabi ukuphela komhlaba kaSathane
“Ukububula lokukhala”
KWENZAKALA NINI: Ezinsukwini zokucina, ukuhlupheka okukhulu kungakaqalisi
KWENZAKALA NJANI: Abantu abathanda uJehova batshengisa ngendlela abakhuluma ngayo labaziphatha ngayo ukuthi bayazenyanya izinto ezimbi ezenzakala emhlabeni. Bayalalela nxa betshelwa izindaba ezinhle zoMbuso kaNkulunkulu futhi baqhubeka bezama ngamandla wonke ukuba lobuntu obunjengobukaKhristu. Bayabhabhathizwa betshengisa ukuthi sebezinikele kuJehova, besebencedisa abafowabo bakaKhristu emsebenzini abanike wona
“Ukufakwa uphawu”
KWENZAKALA NINI: Ngesikhathi sokuhlupheka okukhulu
KWENZAKALA NJANI: Indoda elezinto zokubhala imela uJesu Khristu. Uzakuza ezokwahlulela zonke izizwe futhi abexuku elikhulu bazafakwa uphawu lokuthi bayizimvu, okutshengisa ukuthi bazasinda e-Amagedoni
“Ukubulawa”
KWENZAKALA NINI: Empini ye-Amagedoni
KWENZAKALA NJANI: UJesu Khristu lebutho lakhe lasezulwini elezingilosi kanye labangu-144 000 bazatshabalalisa bonke ababi basindise labo abakhonza uJehova ngendlela ayifunayo, babangenise emhlabeni omutsha