ISIFUNDO 12
Kuyini Okungakunceda Ukuthi Uqhubeke Ufunda IBhayibhili?
Ukufunda iBhayibhili kuyanceda sibili kodwa akusoze kuhlale kulula. Ngezinye izikhathi ungezwa kusithi ukhalale. Kodwa yindaba kungamelanga ukhalale? Kuyini okungakunceda ukuthi uqhubeke ufunda iBhayibhili?
1. Kungani kuqakathekile ukufunda iBhayibhili?
“Ilizwi likaNkulunkulu liyaphila njalo lilamandla.” (KumaHebheru 4:12) IBhayibhili liligugu kakhulu ngoba lisitshela okunengi ngoNkulunkulu, okugoqela lokuthi uyasithanda. Ukulibala kuzakunceda ukuthi ube lolwazi, uhlakaniphe futhi ube lethemba. Okuqakatheke kakhulu yikuthi lizakunceda ukuthi ube ngumngane kaJehova. Nxa ungafunda iBhayibhili uzabona ukuthi lilamandla okukwenza uthokoze empilweni.
2. Kumele ukubone njani lokho okufunda eBhayibhilini?
Iqiniso eliseBhayibhilini linjengamagugu aqakathekileyo. Yikho iBhayibhili lisithi: “Thenga iqiniso, ungalithengisi loba sekutheni.” (IZaga 23:23) Nxa ungazwisisa ukuthi iqiniso leli liqakatheke kangakanani, awusoze uvumele loba yini ikwenze ukhalale ukufunda iBhayibhili.—Bala iZaga 2:4, 5.
3. UJehova uzakuncedisa njani ukuthi uqhubeke ufunda iBhayibhili?
UJehova uzakuncedisa ukuthi ufunde ngaye ngoba ungumngane wakho futhi nguye owakudalayo. Uzakunika “isifiso lamandla okwenza okumthokozisayo.” (Bala uFiliphi 2:13.) Ngakho mcele akuncedise nxa ungaselaso isifiso sokufunda kumbe usuphelelwa ngamandla okusebenzisa lokho okufundayo. Mcele akuncedise nxa kuyikuthi usuphakathi kohlupho kumbe usuphikiswa ngabanye abangafuniyo ukuthi ufunde ngaye. Hlala uthandaza kuJehova ukuze akuncedise ukuthi uqhubeke ufunda iBhayibhili.—1 KwabaseThesalonika 5:17.
GEBHA UJULE
Engxenyeni le uzabona ukuthi ungenzani ukuze uqhubeke ufunda iBhayibhili kungelani lokuthi ulezinto ezinengi ozenzayo kumbe uphikiswa ngabanye. Uzabona lokuthi uJehova uzakuncedisa njani.
4. Kuqakathekise ukufunda iBhayibhili
Ngesinye isikhathi ungaba lezinto ezinengi okumele uzenze uze ubone angani awuselasikhathi sokufunda iBhayibhili. Kumele wenzeni nxa kunjalo? Bala uFiliphi 1:10 beselixoxa ngemibuzo le:
Ubona angani yiziphi “izinto eziqakatheke kakhulu” empilweni?
Ungenzani ukuze kukhanye ukuthi uyakuqakathekisa ukufunda iBhayibhili?
Nxa ungaqala ngokufaka itshebetshebe ebhakedeni ubusufaka amatshe, uzathola ukuthi amanye amatshe awasoze enele
Kodwa nxa ungaqalisa ngamatshe uzakwenelisa ukuthela itshebetshebe enengi. Ngendlela efananayo, nxa ungaqala ngokwenza “izinto eziqakatheke kakhulu” empilweni uzathola isikhathi sokwenza lezinye izinto
Ukufunda iBhayibhili kuzakunceda ukuthi ubemazi uNkulunkulu njalo umkhonze. Bala uMathewu 5:3 beselixoxa ngombuzo lo:
Ukuqakathekisa ukufunda iBhayibhili kuzakunceda njani?
5. Ungavumi ukuthi ukuphikiswa kukuqede amandla
Abanye abantu bangazama ukukuyekelisa ukufunda iBhayibhili. Lokhu yikho okwenzakala kuFrancesco. Bukelani IVIDIYO beselixoxa ngemibuzo elandelayo.
Abangakibo kaFrancesco labangane bakhe benzani eseqalise ukufunda iBhayibhili?
Ukuqinisela kukaFrancesco kwabanceda njani abanye?
Bala u-2 Thimothi 2:24, 25 beselixoxa ngemibuzo le:
Abangakini labangane bakho bathini ngokufunda kwakho iBhayibhili?
Amavesi la athi kumele wenzeni nxa abanye bengafuni ukuthi ufunde ngoNkulunkulu? Kunceda ngani ukwenza njalo?
6. Ungathandabuzi ukuthi uJehova uzakuncedisa
Nxa ungasondela kuJehova, uzazimisela ukuhlala usenza izinto ezimthokozisayo. Kodwa kungenzakala ukuthi kulezinye izinto othola kunzima ukuzitshintsha empilweni yakho ukuze umthokozise. Nxa kunjalo ungakhalali ngoba uJehova uzakuncedisa. Bukelani IVIDIYO beselixoxa ngemibuzo elandelayo.
UJim watshintshani empilweni yakhe ukuze athokozise uJehova?
Isibonelo sakhe sikufundisani?
Bala uHebheru 11:6 beselixoxa ngemibuzo le:
UJehova uzabenzelani abantu “abamdinga ngeqiniso”?
Ubona angani uJehova uyathokoza yini nxa ekubona usenza okusemandleni akho ukuthi ufunde iBhayibhili?
NXA OMUNYE ANGATHI: “Uzihluphelani ngokufunda iBhayibhili?”
Ungamphendula usithini umuntu otshonjalo?
ISIFINQO
Ukufunda iBhayibhili kuzakunceda ukuthi uthokoze kuze kube nini lanini. Kodwa akusoze kubelula sikhathi sonke, yikho kumele ucele uJehova akuncedise.
Ufundeni?
Kuyini okukwenza ulithande iqiniso eliseBhayibhilini?
Ungenzani ukuze kukhanye ukuthi uyazazi “izinto eziqakatheke kakhulu” empilweni?
Kungani kumele ucele uJehova akuncedise ukuthi uqhubeke ufunda iBhayibhili?
THOLA OKUNENGI
Bala isihloko lesi uzwe ukuthi abanye benzeni ukuze basisebenzise kuhle isikhathi sabo.
“Sisebenzise Kuhle Isikhathi Sakho” (Vukani!, February 2014)
Bukela ividiyo le ubone ukuthi uJehova wamncedisa njani omunye umama ukuthi aqhubeke esenza izinto ezimthokozisayo lanxa waqalisa ephikiswa ngumkakhe.
UJehova Uyasinika Amandla Ukuze Sithwale Imithwalo Yethu (5:05)
Bukela ividiyo le ubone ukuthi eyinye indoda yancedakala njani ngenxa yokubekezela komkayo.
Abanye abantu bathi oFakazi bakaJehova baxabanisa izimuli. Bala isihloko lesi uzwe ukuthi kuliqiniso yini lokhu?