Ilunga Elitsha leQula eLibusayo

Mhlaka-5 September 2012, kungoLwesithathu ekuseni, amalunga emuli yaseBhetheli e-United States lase-Canada aziswa ukuthi sekulelunga elitsha leQula eLibusayo laboFakazi bakaJehova. UMark San­der­son wayeqalise ukusebenza elilunga leQula eLibusayo mhlaka-1 September 2012.

UMfowethu uSanderson wakhuliswa ngabazali bakhe abangamaKhristu e-San Diego, California, e-U.S.A., njalo wabhaphathizwa mhlaka-9 February 1975. Waqalisa ukuba liphayona ngo-September 1 1983, e-Sas­katchewan, Canada. Ngo-December 1990 wangena ekilasini lesikhombisa eSikolo Sokuqeqetshelwa Inkonzo esesibizwa ngokuthi yiSikolo seBhayibhili Sabazalwane Abangatshadanga e-United States. UMfowethu uSanderson wabekwa ukuthi abe liphayona eliqakathekileyo esihlengeni saseNewfoundland, eCanada, ngo-April 1991. Ngemuva kokusebenza ebambele omunye umbonisi wesiqinti, wabizwa ukuthi azokuba lilunga lemuli yaseBhetheli eCanada ngo-February 1997. Ngo-November 2000, wantshintshelwa egatsheni lase-United States lapho asebenza khona oHlangothini Oluphathisa ngoLwazi Lwezokwelatshwa njalo ngemva kwesikhathi wangena oHlangothini Lwenkonzo.

Ngo-September 2008, uMfowethu uSanderson wangena eSikolo Samalunga Ekhomithi Yegatsha njalo ngemuva kwalokho wabekwa ukuthi abe lilunga leKhomithi Yegatsha lasePhilippines. Ngo-September 2010, wabizwa ukuthi aphenduke e-United States, lapho asebenza khona encedisa iKhomithi Yenkonzo yeQula eLibusayo.