Kungani Abantu Bethandaza?

Wena uthandaza nsuku zonke yini? Abanengi bayathandaza, kugoqela labangakholwayo kuNkulunkulu. Kodwa kungani abantu bethandaza? Kwathi kuhlolisiswa eFrance kwatholakala ukuthi ingxenye yabantu abahlala khona bayathandaza kumbe kwezinye izikhathi bayanakana “ukuze bazizwe ngcono nje.” Benza lokho okwenziwa linengi labantu abahlala e-Europe, kabathandazi ngenxa yokuthi bakhonza uNkulunkulu. Kodwa bayabe befuna “ukuziduduza ngomthandazo kuphela.” Ikanti labanye abakholwayo bathandaza kuNkulunkulu kuphela nxa sebefuna uncedo, njalo bayabe befuna ahle abaphendule beqeda nje ukuthandaza.​—⁠U-Isaya 26:⁠16.

Wena ke? Ubona angani isizatho sokuthandaza ngesokuthi ulwe lemicabango ekukhathazayo kuphela yini? Nxa ukholwa kuNkulunkulu, uyakunanzelela yini ukuthi umthandazo uyakunceda ekuphileni kwakho? Kumbe kukhanya angani imithandazo yakho kayiphendulwa yini? IBhayibhili lingakunceda ukuthi ungaboni umthandazo njengephilisi lokuthi uzizwe ngcono kodwa njengendlela enhle kakhulu yokusondela kuNkulunkulu.