“UMbuso Wakho Kawuze” UMTHANDAZO ODUMILEYO
Sewake wathandazela ukuthi uMbuso kaNkulunkulu uze yini? Sekuleminyaka eminengi kakhulu abantu bethandaza besithi “UMbuso wakho kawuze.” Kungani bethandaza besitsho njalo? Kungenxa yokuthi uJesu watshela abafundi bakhe ukuthi bathandazele ukuthi uMbuso kaNkulunkulu uze.
Ekuqaliseni, abafundi bakaJesu babengakuzwisisi konke okumayelana loMbuso. Bake bambuza bathi: “Nkosi, usuwubuyisela khathesi yini umbuso ko-Israyeli?” Kungenzakala ukuthi impendulo kaJesu yabamangalisa ngoba kazange ahle athi bhadla ukuthi uMbuso kaNkulunkulu uzakuza nini. (ImiSebenzi 1:6, 7) Kambe lokhu sekusitsho ukuthi ngeke yini sazi ukuthi uMbuso kaNkulunkulu uyini lokuthi uzakuza nini? Ngitsho lakancane!
Imagazini le izakunceda uthole izimpendulo zemibuzo elandelayo:
Kungani sifuna ukuthi uMbuso kaNkulunkulu uze?
Ngubani iNkosi yoMbuso kaNkulunkulu?
UMbuso kaNkulunkulu uzaqalisa nini ukubusa umhlaba?
UMbuso kaNkulunkulu uzabenzelani abantu?
Kungani kumele ukhethe ukusekela uMbuso kaNkulunkulu khathesi?
Uyini uMbuso kaNkulunkulu?