Ukuthuthukisa Indlela Esitshumayela Ngayo​—Indlela Yokuphendula Abavimba Ingxoxo

Kungani Kuqakathekile: Ake sithi uyakwazi ukuthi kulengozi yemvelo esizakwenzakala. Abantu bangafa nxa bengasukanga baya endaweni evikelekileyo. Uya kumakhelwane wakho ukuze umxwayise, kodwa yena ukutshela ukuthi usabambekile. Kuliqiniso ukuthi ngeke ukhalale masinyane! Abantu abanengi enkonzweni bayasixotsha bengananzeleli ukuthi umlayezo wethu usindisa ukuphila. Mhlawumbe siyabe sifike ngesikhathi besabambekile. (Mat. 24:37-39) Mhlawumbe bayasibandlulula ngenxa yokuthi bayake bezwe amahungahunga angamanga ngathi. (Mat. 11:18, 19) Bangacabanga ukuthi siyafanana lamasonto athela izithelo ezimbi. (2 Phet. 2:1, 2) Nxa sifika okwakuqala kakumelanga siphangise ukukhalala nxa umninimuzi engafuni ukulalela.