Ividiyo Entsha Yokuqalisa Izifundo zeBhayibhili
Ividiyo emfitshane elesihloko esithi Kungani Kumele Ufunde iBhayibhili? ibukelwa ngabantu abanengi kakhulu kujw.org. Yenzelwe ukukhuthaza abantu abangathanda ukufunda iBhayibhili mahala. Ingatholakala ngaphansi kwesihloko esithi “Cela Isifundo seBhayibhili” esisekucineni kwekhasi elithi ekhaya kumbe ngoku-scanner i-QR (quick response) code engemuva kwamaphetshana. Nanzi ezinye indlela esingasebenzisa kuhle lividiyo.
• Nxa ususiyabona umuntu oke wambona, ungathi: “Ngingakutshengisa ividiyo emfitshane echaza indlela ongathola ngayo impendulo zemibuzo olayo ngeBhayibhili?” Nxa angavuma, mtshengise ividiyo yakhona efonini yakho kumbe kukhomphiyutha yakhe.
• Nxa ungatshiyela umuntu elinye lamaphetshana amatsha ngesikhathi utshumayela okungahlelwanga kumbe obala, mtshengisa i-QR code ubusumkhuthaza ukuthi azidingele efonini yakhe. Njengoba ezindimini ezinengi i-QR code ikuhambisa kuvidiyo le kuwebhusayithi yethu, ungenza kuhle ukumtshengisa usebenzisa ifoni yakho.
• Kumbe ubathumele nge-email ikheli elikusa kuvidiyo le, njalo ubacele ukuthi bazibukelele.
Nxa singasebenzisa indlela le entsha, singenelisa ukuqala izifundo zeBhayibhili ezinengi, sincede labo ‘abamiselwe ukuphila okungapheliyo.”—ImiSeb. 13:48.