Izintshumayelo Eziyisibonelo

Singazithola Ngaphi Izimpendulo Zemibuzo Ehluphayo Empilweni?

Nika umninimuzi iphetshana ukuze abone isihloko ubususithi: “Sakubona. Sihamba sitshela abantu umlayezo oqakathekileyo, futhi lokhu kwenziwa emhlabeni wonke. Iphetshana engikuphe lona ngelakho.”

Nxa kuyikuthi abantu abakho endlini, ungalitshiyi egcekeni ukuze lingabonwa nguwonke wonke futhi ungalitshwabhanisi.

Nxa umninimuzi etshengisa ukuthi ufisa ukwazi okunengi, ungambuza ukuthi yena angawuphendula esithini umbuzo osekuqaliseni. Vula iphetshana ubusumtshengisa lokho okutshiwo liHubo 119:​144, 160. Chasisa ukuthi iphetshana lelo likhuluma ngokuthile okukuWebhusayithi okungamnceda ukuthi athole izimpendulo ezisuthisayo ezitholakala eBhayibhilini. Mhlawumbe ungamtshengisa levidiyo ethi Why Study the Bible? Mtshengise imibuzo emithathu engemuva kwephetshana lelo ungakasuki ubusumbuza ukuthi yena angathanda ukuthi lixoxe ngawuphi. Cela ukuthi uzoxoxa laye esikhathini esilandelayo usebenzisa i-jw.org ukuze umtshengise ukuthi iBhayibhili liwuphendula njani umbuzo awukhethileyo. Nxa usuphindela, xoxa ngempendulo yakhe ngokukhangela kuBIBLE TEACHINGS > BIBLE QUESTIONS ANSWERED ku-jw.org.

Nxa uhambisa lezimemo zomhlangano wesabelo, nika umninimuzi isimemo kanye lephetshana ubususithi, “Elinye iphepha engikunike lona ngelesimemo esikunxusa ukuthi ube khona emhlanganweni esizakuba lawo.”

INQABAYOKULINDA August 1

Nxa kufanele, ngezimpelaviki ungatsho okulandelayo ukuze uhambise i-Nqabayokulinda: “Singathanda lokukutshiyela amamagazini enyanga le. INqabayokulinda le iphendula umbuzo othi, UNkulunkulu ulendaba lawe yini?”

August

Nxa kufanele, ngezimpelaviki ungatsho okulandelayo ukuze uhambise i-Awake! “Singathanda lokukutshiyela amamagazini enyanga le. I-Awake! le iphendula umbuzo othi, Kungenzakala njani ukuthi abantu babe lokuthula?”