Izintshumayelo Eziyisibonelo

Ukuqalisa Izifundo zeBhayibhili ngoMgqibelo Wokuqala ka-September

“Abantu abanengi bayakholwa ukuthi izingilosi zikhona. Wena-ke? [Melela impendulo.] Njengoba izingilosi ziyizidalwa zomoya njalo zilamandla, ucabanga ukuthi zingasisiza yini? IBhayibhili liyasitshela ukuthi zibanceda njani abantu lamuhla.” Mtshengise ikhasi elingemuva kwe-Nqabayokulinda ka-September 1, beselixoxa ngombuzo wokuqala njalo libale umbhalo owodwa kuleyo elapho. Mnike imagazini ubusuhlela ukuzoxoxa laye ngombuzo olandelayo.

INQABAYOKULINDA September 1

EBIKA NGOMBUSO KAJEHOVA

“Ucabanga ukuthi abantu bazawutshabalalisa yini umhlaba? [Melela impendulo.] Lanxa abantu bengenelisi ukulungisa umonakalo abawenzileyo, iBhayibhili lithi uNkulunkulu uyafuna njalo uyenelisa ukuwulungisa. Khangela ukuthi umaHubo 65:⁠9 usiqinisekisani. [Bala.] INqabayokulinda le ikhuluma ngokuthi uNkulunkulu uzawulungisa njani umhlaba lokuthi thina singazithola njani izibusiso zesikhathi esizayo. Ngingakunika yona yini ukuthi usale uyibala?”

September

“Abantu abanengi abasebenzayo bacabanga ukuthi abaqhatshi babo babasebenzisa gadalala futhi ngeke bathole isikhathi sokuphumula. Izazi zithi ukusebenza amahora amanengi kwenza umuntu aphele amandla, futhi lokhu kungalimaza umzimba lengqondo. Ucabanga ukuthi kuyini okunganceda abantu babe lombono ofaneleyo ngempilo? [Melela impendulo.] Nansi ivesi yeBhayibhili engakunceda. [Bala UmTshumayeli 4:⁠6.] Imagazini le ikhuluma ngezindlela ezine ezinganceda abantu ukuthi bakwazi okumele bakuqakathekise empilweni lalokho okumele bakwenze ukuze bangaphelelwa ngamandla.”