Sebenzisa IWebhusayithi Yethu Ekutshumayeleni—Isihloko Esithi “Bible Questions Answered”
Ingxenye eku-jw.org ethi “Bible Teachings” ilesihloko esithi “Bible Questions Answered.” Kumele sijayelane lemibuzo ephendulwa engxenyeni le ukuze umninimuzi angasibuza senelise ukumtshengisa izimpendulo ezilapho. Imibuzo le singayisebenzisa ukuze siqalise ingxoxo labantu ekutshumayeleni. Singabuza umninimuzi umbuzo othile, besesicela ukuthi aveze umbono wakhe. Singamtshela ukuthi iBhayibhili lithini sisebenzisa lokho okuku-jw.org. Ngemva kwalokho singamchasisela kumbe simtshengise ukuthi impendulo siyithethe ngaphi. Okunye esingakwenza yikumtshela ukuthi abale impendulo yakhona kuWebhusayithi yethu. Unkosikazi wombonisi ohambelayo wandise ukuthi: “Abantu abanengi bayazibuza ukuthi, ‘Kumele sisole uNkulunkulu yini ngokuhlupheka kwethu?’ Ungafuna yini ukuthola impendulo ngemizuzwana engu-51 kuphela?” Ngemva kwalokho ulalelisa umninimuzi impendulo ayidawunilode kuWebhusayithi esebenzisa umakhalekhukhwini wakhe. Eseqedile, utshengisa umninimuzi isahluko 11 sebhuku elithi Okufundiswa liBhayibhili.