Tshisekela Ukukhuthaza Abanye Ukuthi Benze Imisebenzi Emihle
UHebheru 10:24 usikhuthaza ukuthi ‘sicabange ukuba singakhuthazana kanjani ethandweni lasezenzweni ezinhle.’ Ungabakhuthaza abafowethu ngokuba yisibonelo esihle kubo, ukhulume njalo wenze ngendlela etshengisa ukuthi ulokholo. Okunye ongakwenza yikubaxoxela okuhle owake wahlangana lakho. Kabazibonele ngawabo ukuthi kuyakuthokozisa kakhulu ukukhonza uJehova. Kodwa ungaziboni ungcono kulabo kumbe ubaqathanise labanye ebandleni. (Gal. 6:4) Zama ukubakhuthaza ‘ethandweni lasezenzweni ezinhle,’ hatshi ukubakhuthaza ngokubatshela lapho abasilela khona. (Khangela ibhuku elithi Ministry School, ikhasi 158, indima 4.) Nxa ungabakhuthaza ukuthi babe lothando, bazakhuthalela ukwenza eminye imisebenzi emihle enjengokutshumayela lokunceda abanye ngezinto abangelazo.—2 Khor. 1:24.