Tshengisa Amandla ELizwi LikaNkulunkulu Enkonzweni Yakho

Nxa umuntu angasivumela ukuthi simtshele izindaba ezinhle, kumele lokho sikubone kulithuba lokutshengisa amandla eLizwi likaNkulunkulu ngokumbalela amavesi aseBhayibhilini. Lokhu kwagcizelelwa emhlanganweni oqakathekileyo owelanga elilodwa wanyakenye. Umbonisi wesiqinti wakhuluma inkulumo eyayilesihloko esithi “Tshengisa Amandla ELizwi LikaNkulunkulu Enkonzweni Yakho.” Uyayikhumbula yini imicijo eqakathekileyo akhuluma ngayo?

• Kungani ilizwi likaNkulunkulu lilamandla ukwedlula elethu?​—2 Tim. 3:16, 17.

• IBhayibhili linceda njani ukuthi umuntu alungise indlela acabanga ngayo, azizwa ngayo, izinhloso zakhe, kanye lendlela aziphatha ngayo?​—Khangela INqabayokulinda yesiZulu, ka-June 15, 2012, k. 27, indima 7.

• Nxa singabalela umuntu umbhalo ekutshumayeleni, kuyini esingakwenza ukuze simncede alihloniphe iLizwi likaNkulunkulu?​—Khangela ibhuku elithi Isikole Senkonzo, k. 148, izindima 3-4 kanye le-Nkonzo Yethu YoMbuso ka-March 2013, k. 6, indima 8.

• Kungani kuqakathekile ukuthi sichasise imibhalo esiyibalayo futhi sibonisane labantu ngayo, njalo singakwenza njani lokhu?​—ImiSeb. 17:2, 3; khangela ibhuku elithi Isikole Senkonzo, ikhasi 154, indima 4 kusiya ekhasini 156, indima 5.