ISIPHALA SEZINGWALO ESIKU-INTHANETHI seWatchtower

ISIPHALA SEZINGWALO ESIKU-INTHANETHI

Ndebele (Zimbabwe)

mwb16 April k. 3
Khuthaza Njalo Uqinise Abanye Ngamazwi Alomusa

Impilo Lenkonzo YamaKhristu—Ugwalo Lomhlangano—2016

mwb16 April k. 3

AMAGUGU ASELIZWINI LIKANKULUNKULU | JOB 16-20

Khuthaza Njalo Uqinise Abanye Ngamazwi Alomusa

Amazwi omeluleki kumele aqinise abanye

16:4, 5

UJobe wayekudinga ukukhuthazwa ngoba wayecwile phakathi kobuhlungu
Abangane bakaJobe abathathu abazange batsho lelilodwa elokumduduza. Esikhundleni salokho babemsola, futhi lokho kwabangela ukuthi achobeke enhliziyweni

Amazwi kaBhilidadi ahlabayo azwisa uJobe ubuhlungu

UJobe wakhala kuNkulunkulu ecela ukuthi amophule ebunzimeni ayephakathi kwabo. Wayesebona lokufa kungumthunzi osenkangala ayengaziphumulela kuwo
UJobe waqhubeka enakana ngethemba lokuvuswa kwabafileyo futhi wahlala ethembekile lanxa kwakunzima

U-Elifazi ukhuluma loJobe ngapha uBhilidadi loZofari bekhangele

ABAMANGALELI BAKAJOBE

U-Elifazi:

Kungenzeka wayedabuka eThemani eyayiphakathi kwelizwe le-Edomi. IThemani kukhulunywa ngayo kuJeremiya 49:7 njengesigodlo salapho ama-Edomi ayethapha khona inhlakanipho
U-Elifazi nguye owaba ngumqali wesiziba ekukhulumeni njalo kukhanya ingani phakathi ‘kwabaduduzi’ bakaJobe nguye owayemdala kulabo bonke futhi eyindoda ekhuluma kuzwakale. Wakhuluma kathathu njalo inkulumo zakhe zazizinde kulezabanye bakhe ababili

Amanga awakhulumayo:

Wasola ukuba qotho kukaJobe waphinda wathi uNkulunkulu kazithembi izinceku zakhe (Job 4, 5)
Wathi uJobe wayengumuntu owonakeleyo, ezitshaya olungileyo njalo esenza ingani uyamesaba uNkulunkulu (Job 15)
Wamcala ngokuthi uligovu, kalunganga futhi akalutho emehlweni kaNkulunkulu (Job 22)

UBhilidadi:

Wayengowesizukulwane sikaShuwa njalo kungenzeka ukuthi wayehlala phansi koMfula uYufrathe
Yena waba ngowesibili ukukhuluma. Izinkulumo zakhe ezintathu zazimfitshane kodwa zazigwaza okwenkemba zizidlula khatshana ezika-Elifazi

Amanga awakhulumayo:

Wasukela uJobe ngokuthi abantwana bakhe babewonile yikho babevune izithelo zokuganga kwabo njalo wathi uJobe wayengela kholo kuNkulunkulu (Job 8)
Wabuye wathi uJobe wayeyisoni (Job 18)
Waphinda wathi ubuqotho bakhe buyize leze (Job 25)

UZofari:

Kungenzeka ukuthi wayevela e-Arabhiya engumNamathi
Yena waba ngowesithathu ukukhuluma njalo inkulumo zakhe zayithi klewu inhliziyo kaJobe. Wakhuluma inkulumo ezimbili kuphela

Amanga awakhulumayo:

Wasola izinkulumo zikaJobe esithi zaziyikuwumana nje, wamtshela lokuthi atshiye izenzo zakhe ezimbi ayezenza (Job 11)
Kwazikhanyela emazwini akhe ukuthi wayebona uJobe eyindoda exhwalileyo futhi ethanda ukuwona (Job 20)