Fundisa Iqiniso

Kusukela ngo-September uGwalo Lomhlangano luzakuba leyinye intshumayelo eyisibonelo entsha ethi “Fundisa Iqiniso.” Inhloso yethu yikufundisa iqiniso eliyisisekelo sisebenzisa umbuzo lombhalo.

Kumele sibeke isisekelo sokuphindela nxa singabona ukuthi esixoxa laye ulesifiso sokufunda. Singamtshiyela iphetshana loba elinye ibhuku kumbe simtshengise ividiyo etholakala ku-jw.org. Kumele sizame ukuphindela masinya ukuze siyoqhubeka lapho esatshiyela khona. Izintshumayelo eziyisibonelo kanye lezabelo zabafundi zizabe zisekelwe ebhokisini elisekucineni kwesahluko ngasinye sebhuku elithi What Can the Bible Teach Us? (esingelalo ngesiNdebele). Ibhuku leli libhalwe ngendlela elula lisuselwa kwelesikhiwa elithi Okufundiswa LiBhayibhili. Ibhuku elithi Okufundiswa LiBhayibhili lileminye imicijo lemibhalo engasincedisa nxa siphindela loba sifundisa sisebenzisa iBhayibhili kuphela.

Yinye kuphela indlela esiyisa ekuphileni. (Mt 7:13, 14) Kuhle ukuthi sifundise ngendlela ezakhanga umuntu ngamunye njengoba sihlangana labantu abatshiyeneyo labangena izinkolo ezitshiyeneyo. (1Tim 2:4) Singakujayela ukusebenzisa izintshumayelo ezitshiyeneyo sizakwenelisa ‘ukuliphatha kuhle ilizwi leqiniso’ futhi sizahlala sithokoza siphinde sibe zingcitshi ekufundiseni abanye iqiniso.—2Tim 2:15.