Bafundisa umuntu iBhayibhili eChile
Izintshumayelo Eziyisibonelo
VUKANI!
Umbuzo: Abantu abanengi bayakufuna ukuba lempilakahle. Ucabanga ukuthi singazivikela njani ukuze singahlaselwa yimikhuhlane?
Umbhalo: Zag 22:3
Ongakutsho: I-Vukani! le ikhuluma ngamanyathelo esingawathatha ukuze sizivikele emikhuhlaneni.
FUNDISA IQINISO
Umbuzo: Kambe ukuthi ukuhlupheka kubangelwa nguNkulunkulu kumbe kukhona okunye okukubangelayo?
Umbhalo: Job 34:10
Iqiniso: UNkulunkulu kakubangeli ukuhlupheka. Kubangelwa nguSathane labantu abenza izinto ezimbi kanye lokuba sendaweni engayisiyo ngesikhathi esingayisiso. Nxa sihlupheka uNkulunkulu uyasincedisa ngoba ulendaba lathi.
KUNGANI KUMELE ULIFUNDE IBHAYIBHILI? (Ividiyo)
Umbuzo: UNkulunkulu nguye obusa umhlaba yini? [Melela impendulo.] Okutshiwo liBhayibhili kungakumangalisa. Ividiyo le emfitshane iyawuphendula umbuzo lo. [Mtshengise ividiyo.]
Ongakutsho: Isahluko 11 sebhuku leli sikhuluma ngokuthi kungani uNkulunkulu ekuvumela ukuhlupheka lokuthi uzakuqeda njani. [Mnike ibhuku elithi Okufundiswa LiBhayibhili.]
ZIBUMBELE EYAKHO INTSHUMAYELO
Sebenzisa izibonelo eziphezulu ukuze uzibumbele ezakho izintshumayelo.