“Ngilapha. Thuma Mina!”

Sonke kumele silingisele ukuzinikela kuka-Isaya. Watshengisa ukuthi ulokholo ngokuvumela phezulu ngesikhathi ethunywa lanxa wayengakatshelwa konke okwakumele akwenze. (Isay 6:8) Ungenelisa yini ukuntshintsha izimo zakho ukuze uyekhonza lapho okulabamemezeli abalutshwana? (Hu 110:3) Okuqakathekileyo yikuthi ungakenzi lokhu uqale ‘ubalise indleko.’ (Luk 14:27, 28) Kanti njalo zimisele lokudela ezinye izinto ukuze wenze okunengi emsebenzini wokutshumayela. (Mt 8:20; Mk 10:28-30) Ividiyo ethi Ukuthuthela Lapho Okulabamemezeli Abalutshwana iyasinceda sibone ukuthi izibusiso esizazithola enkonzweni kaJehova zedlula khatshana esiyabe sikutshiye emuva.

NGEMVA KOKUBUKELA IVIDIYO, PHENDULANI IMIBUZO LE:

• Yiziphi izinto imuli yakoWilliams eyazidelayo ukuze iyekhonza e-Ecuador?

• Yiziphi izinto abazikhangelayo ngesikhathi bekhetha indawo ababezakuyancedisa khona?

• Yiziphi izibusiso abazitholayo?

• Ungakuthola ngaphi okunengi okumayelana lokuyakhonza lapho okulabamemezeli abalutshwana?

NGESIKHATHI SOKUKHONZA KWEMULI YENU OKULANDELAYO, XOXANI NGEMIBUZO LE:

• Singenzani njengemuli ukuze senze okunengi enkonzweni? (km-ZU 8/11 4-6)

• Yiziphi ezinye izindlela esingancedisa ngazo ebandleni lethu nxa singenelisi ukuyakhonza lapho okulabamemezeli abalutshwana? (w16.03-ZU 23-25)