Zinike Isikhathi Sokuba Labantu Abathanda UJehova

Kungani kumele sizinike isikhathi sokuba labantu abathanda uJehova? Abantu esitshona labo bangasikhuthaza ukuthi senze okuhle kumbe basitshelele eceleni sicine senze okubi. (Zag 13:20) Ngokwesibonelo, iNkosi uJowashi ‘yenza okulungileyo phambi kukaJehova’ ngesikhathi isacetshiswa nguMphristi Omkhulu uJehoyada. (2Imi 24:2) Kwathi uJehoyada esefile, uJowashi watshiya ukukhonza uJehova ngenxa yokuba labangane ababi.​—2Imi 24:17-19.

Ngesikhathi samaKhristu okuqala, umphostoli uPhawuli wafananisa ibandla ‘lendlu enkulu’ kwathi amalunga ebandla wawafananisa ‘lezitsha’ ezisetshenziswa endlini. Nxa sifuna ukuba yizitsha “zomsebenzi ohloniphekayo” akumelanga sibe ngamathe lolimi labantu abangamthokozisiyo uJehova kungelani lokuthi bayizihlobo zethu kumbe ngabasebandleni. (2Ti 2:20, 21) Yikho-ke kasiqhubekeni sidinga abangane abathanda uJehova futhi abazasikhuthaza ukuthi simkhonze.

BUKELANI IVIDIYO ETHI FUNDA UKUXWAYA ABANGANE ABABI, BESELIPHENDULA IMIBUZO ELANDELAYO:

• Kungenzakala njani ukuthi sicine sisiba labangane ababi singananzeleli?

• Kuvidiyo, kuyini okwanceda amaKhristu amathathu ukuthi atshiye abangane ababi?

• Yiziphi izimiso eziseBhayibhilini ezizakunceda ukuthi ukhethe kuhle abangane?