AMAGUGU ASELIZWINI LIKANKULUNKULU | UGENESISI 15-17

Kungani UJehova Wantshintsha Ibizo Lika-Abhrama LelikaSarayi?

UJehova wayebona u-Abhrama njengomuntu ongasolekiyo. Ngesikhathi etshela u-Abhrama okunengi ngenjongo yakhe, wabantshintsha amabizo. Amabizo lawo ayechasisa okwakuzakwenzakala.

Lokho okwakutshiwo ngamabizo abasebewaphiwe kwagcwaliseka ngoba u-Abhrahama waba nguyise wezizwe ezinengi. USara waba ngukhokho wamakhosi.

U-Abhrahama

Uyise Wezizwe Ezinengi
USara

Indlovukazi

Okusemfanekisweni: Udade osakhulayo uyathuthuka ekukhonzeni. 1. Uyabhabhathizwa. 2. Wenza inkulumo emhlanganweni waphakathi kweviki. 3. Ubukelisa owesifazana ividiyo ngesikhathi esekutshumayeleni.

Asizikhethelanga amabizo esawaphiwa ngesikhathi sizalwa. Kodwa singazikhethela ukuba ledumela elihle njengo-Abhrahama loSara. Zibuze ukuthi:

‘Kuyini engingakwenza ukuze ngingasoleki kuJehova?’
‘Ngizenzela ibizo elinjani loJehova?’