Singazisebenzisa Njani Izingxoxo Ezingasetshenziswa?

Kusukela ngoJanuary 2018, ugwalo lomhlangano ngalunye belusiba lezingxoxo ezingasetshenziswa ekutshumayeleni. Singazisebenzisa njani?

Izabelo Zabafundi: Izingxoxo ezingasetshenziswa zilombuzo, umbhalo longakutsho. Kodwa lokho akutsho ukuthi kumele ulingisele wonke amabala akhulunywa ngummemezeli kuvidiyo. Nxa usenza inkulumo yakho ungazikhethela ukuthi uxoxa lomuntu osebenza laye, ofunda laye esikolo, omthole endlini ngendlu loba kweyinye nje indawo. Ungakhetha ukuthi ufuna ukuyethula njani inkulumo yakho lokuthi uzabonisana laye njani. Ukhululekile ukunika umninimuzi ibhuku eliseBhokisini Elilamathuluzi Okufundisa lanxa kungabhalwanga ukuthi wenze njalo.

Ekutshumayeleni: Izingxoxo ezingasetshenziswa zenzelwe ukuthi ubone ongakwenza ukuze uphumelele ekutshumayeleni. Nxa umuntu oxoxa laye efisa ukufunda okunengi ungaqhubeka uxoxa laye usebenzisa umbhalo osengxoxweni yokuphindela loba eyinye indaba engamnceda. Ungayintshintsha kancane ingxoxo engasetshenziswa kumbe usebenzise intshumayelo ozibumbele yona. Nansi eminye imibuzo ongazibuza yona: Intshumayelo yenyanga edlulileyo loba omunye umbhalo ungasebenza ngcono yini ensimini yenu? Kulendaba esematheni ongaxoxa ngayo yini? Loba yiphi indlela okhetha ukuyisebenzisa, inhloso yakho kayibe ‘ngeyokwenza zonke izinto ngenxa yezindaba ezinhle ukuze uzitshumayele kwabanye.’—1Kr 9:22, 23.