Mana Uqine Njengoba Ukuphela Sekufikile

KUNGANI KUQAKATHEKILE? Sekuseduze ukuthi sehlelwe yibunzima obukhulu kakhulu yikho kuzadinga ukuthi sibe lesibindi lokholo oluqinileyo. Ukuhlupheka okukhulu kuzaqalisa ngokubhujiswa kwenkolo yamanga. (Mat 24:21; Sam 17:16, 17) Ngalesosikhathi kungenzakala ukuthi sitshele abantu isahlulelo esibuhlungu. (Sam 16:21) Sizahlaselwa nguGogi waseMagogi. (Hez 38:10-12, 14-16) UJehova uSomandla uzavikela abantu bakhe ngokuletha ‘impi yosuku lwakhe olukhulu.’ (Sam 16:14, 16) Ukuthembeka kwethu khathesi nxa siphakathi kobunzima kuzakwenza sibe lesibindi sokulwisana lobunzima esikhathini esizayo.

INDLELA YOKUKWENZA:

• Phila ngendlela efunwa nguJehova.—Isy 5:20

• Qhubeka ukhonza uJehova ulabantu bakhe.—Heb 10:24, 25

• Zimisele ukulalela okutshelwa yinhlanganiso kaJehova.—Heb 13:17

• Cabangisisa ngokuthi uJehova wabavikela njani abantu bakhe ngezikhathi zakudala.—2Pe 2:9

• Thandaza kuJehova njalo umthembe.—Hu 112:7, 8

BUKELANI IVIDIYO ETHI IZENZAKALO EZIZADINGA UKUTHI SIBE LESIBINDI—ISIQEPHU BESELIPHENDULA IMIBUZO ELANDELAYO:

• 

  Yibuphi ubunzima abamemezeli abahlangana labo ngesikhathi amabandla ehlanganiswa?

• 

  Ukulalela kusinceda njani ukuthi sibe lesibindi?

• 

  Kungani kuzamele sibe lesibindi ngesikhathi se-Amagedoni?

• 

  Yiphi indaba eseBhayibhilini esenza singathandabuzi ukuthi uJehova ulamandla okusisindisa?—2Imi 20:1-24