Ungafafazi Amanga

Lezinsuku sokulula ukuthi indaba ifike ebantwini abanengi ngesikhatshana nje kusetshenziswa umsakazo, i-TV, okubhaliweyo kumbe i-inthanethi. Labo abakhonza “uNkulunkulu weqiniso” abafuni ngitsho lakancane ukufafaza izindaba ezingamanga. (Hu 31:5; Eks 23:1) Phela izindaba ezinjalo zingabangela umonakalo omkhulu. Yikho nxa ufuna ukuba kwazi ukuthi indaba iliqiniso yini zibuze ukuthi:

• ‘Ikhulunywa ngumuntu othembekileyo yini?’ Kungenzakala ukuthi obuye lendaba akalazi lonke iqiniso ngayo. Izindaba ezidluliswayo ziyatshintsha zicine zingasatsho okufanana lokwakuqala, yikho kumele sinanzelele nxa singelaqiniso lokuthi ngubani owaqalisa indaba lokuthi kwahamba njani sibili. Abazalwane abakhokhelayo ebandleni siyabathemba ngakho kumele bananzelele ukuthi abadlulisi indaba abangelaqiniso layo.

• ‘Kukhulunywa kubi ngomunye umuntu yini?’ Nxa kukhulunywa kubi ngabanye abantu kungcono ungakudluliseli phambili okuzwileyo.—Zag 18:8; Flp 4:8

• ‘Izwakala iliqiniso yini?’ Ungathatheki nxa usizwa indaba emayelana lomunye umuntu kumbe okwenzakala empilweni yakhe.

BUKELANI IVIDIYO ETHI OKUNGAKUNCEDA UYEKELE UKUNYEYA BESELIPHENDULA IMIBUZO ELANDELAYO:

• 

  IZaga 12:18 zithi amazwi anjengani?

• 

  UFiliphi 2:4 usinceda njani nxa sesilingeka ukukhuluma ngabanye?

• 

  Kumele senzeni nxa sokukhulunywa kubi ngabanye?

• 

  Yiphi imibuzo okumele sizibuze yona singakaqalisi ukukhuluma ngabanye?