Lina Abasakhulayo—UJehova Ungumngane Wenu Omkhulu Yini?

Ngumuntu onjani ongamkhetha ukuthi abe ngumngane wakho? Ungakhetha umuntu oqotho, olomusa futhi ophanayo. UJehova ulobuntu obunjalo. (Eks 34:6; ImiS 14:17) Uyayilalela imithandazo yakho. Uyakuncedisa ngazo zonke izikhathi. (Hu 18:19, 35) Uyakuthethelela nxa ungaphambanisa. (1Jo 1:9) Kuyazicacela ukuthi uJehova unguMngane omuhle kakhulu!

Pho ungenzani ukuze ube ngumngane kaJehova? Bala iLizwi lakhe ukuze ufunde ngaye. Mthululele isifuba sakho. (Hu 62:8; 142:2) Thanda iNdodana yakhe futhi uqakathekise uMbuso wakhe lezithembiso zakhe. Ukwenza njalo kuzatshengisa ukuthi uthanda lokho akuthandayo. Xoxela abanye ngaye. (Dut 32:3) Nxa ungaqinisa ubungane bakho loJehova, lizahlala lingabangane kuze kube nini lanini.—Hu 73:25, 26, 28.

BUKELANI IVIDIYO ETHI BATSHA—“NAMBITHANI LIBONE UKUTHI UJEHOVA ULUNGILE,” BESELIPHENDULA IMIBUZO ELANDELAYO:

• 

  Ungenzani ukuze uzinikele kuJehova futhi ubhabhathizwe?

• 

  Abanye ebandleni bangakuncedisa njani ukuthi ukhonze uJehova?

• 

  Ukutshumayela kubuqinisa njani ubungane bakho loJehova?

• 

  Yiphi imisebenzi ongayenza enhlanganisweni kaJehova?

• Umthandelani uJehova?