Sitshengisa Ukuthi Siyamthanda UJehova Nxa Sisekela Indlela Aqondisa Ngayo Abanye

Ukususwa komuntu ongaphendukiyo kuvikela ibandla njalo kunceda lalowo owenze isono. (1Kr 5:6, 11) Nxa sisekela indlela uJehova aqondisa ngayo abanye siyabe sitshengisa ukuthi silothando. Uthando lwakhona lukhanya njani njengoba kuzwisa ikhomithi yokwahlulela laye wonke umuntu ubuhlungu?

Okuqakatheke kakhulu yikuthi siyabe sitshengisa ukuthi siyamthanda uJehova futhi siyabuqakathekisa lobungcwele bakhe. (1Pe 1:14-16) Siphinda sitshengise ukuthi siyamthanda umuntu oyabe esusiwe. Ukulaywa okuqinileyo kubuhlungu kodwa kuthela “isithelo sokuthula esiyikuphila okulungileyo.” (Heb 12:5, 6, 11) Siyabesiphikisana loJehova nxa sizihlanganisa lomuntu osusiweyo kumbe ozehlukanise lebandla. Ungakhohlwa ukuthi uJehova ulaya abantu bakhe “ngokufaneleyo.” (Jer 30: 11) Nxa sisekela ukulaya kukaJehova futhi siqhubeka siqinisa ukholo lwethu sizahlala silethemba lokuthi umuntu lo uzaphenduka kuBaba wethu olesihawu.—Isy 1:16-18; 55:7.

BUKELANI IVIDIYO ETHI LONDOLOZA UBUQOTHO BAKHO NGENHLIZIYO YONKE, BESELIPHENDULA IMIBUZO ELANDELAYO:

• 

  Abazali abangamaKhristu bezwa njani nxa umntwana etshiya uJehova?

• 

  Ibandla lingabasekela njani abemuli abathembekileyo?

• 

  Yiziphi izibonelo eziseBhayibhilini ezitshengisa ukuqakatheka kokubaqotho kuJehova ukwedlula kumalunga emuli yethu?

• 

  Singatshengisa njani ukuthi siqotho kuJehova ukwedlula kumalunga emuli yethu?