Ulesifiso Sokungena ISikolo Sabavangeli BoMbuso Yini?

Uleminyaka engu-23 kusiya kwengu-65 futhi usenkonzweni yesikhathi sonke yini? Awuhlali ugulagula yini? Ungenelisa ukuyancedisa loba ngaphi okulabamemezeli abalutshwana yini? Nxa izimpendulo zemibuzo le ingu yebo, sewake wacabanga ngokungena iSikolo Sabavangeli BoMbuso yini? Kusukela ngesikhathi isikolo lesi esaqaliswa ngaso, sesathola amafomu amanengi kakhulu abafowethu labodadewethu abatshadileyo labangatshadanga befuna ukungena isikolo lesi. Lanxa kunjalo kusafuneka abazalwane abanengi abangatshadanga. Thandaza kuJehova umcele akwenze ube lesifiso esikhulu sokumthokozisa njalo ulingisele iNdodana yakhe. (Hu 40:8; Mat 20:28; Heb 10:7) Okunye ongakwenza yikulungisa izimo zakho ukuze wenelise ukungena isikolo lesi.

Abangene isikolo lesi balamathuba okuthola yiphi imisebenzi enhlanganisweni? Abanye bayacelwa ukuthi bayetshumayela lapho okukhulunywa khona olunye ulimi kumbe batshumayele ngezinqola emadolobheni aphithizelayo. Ngokuhamba kwesikhathi abanye bangacelwa ukuthi babambele ababonisi beziqinti, loba babe ngababonisi beziqinti kumbe babe ngabanali. Ngesikhathi ucabanga ngalokho ongakwenzela uJehova, kwangathi ungalingisela umphrofethi u-Isaya owathi: “Ngilapha. Thuma mina!”—Isy 6:8.

BUKELANI IVIDIYO ETHI UMSEBENZI WOKUVUNA OWENZIWA NGABANALI, BESELIPHENDULA IMIBUZO ELANDELAYO:

• 

  Abanali bakhethwa njani?

• 

  Yiwuphi umsebenzi owenziwa ngabanali?

• 

  Yiziphi ezinye izibusiso ezitholwa ngabanali?