Cacisa Imicijo Eyisiqokoqela Ngemizekeliso

Nxa siphindela loba siqhuba izifundo zeBhayibhili kumele sizame ukuncedisa esixoxa labo ukuthi bazwisise imicijo eyisiqokoqela. Ukusebenzisa imizekeliso kungabathinta inhliziyo futhi kubancede bakhumbule lokho abakufundileyo.

Nxa ulungiselela ukuyaphindela loba ukuyafunda lomuntu iBhayibhili kumele udinge imizekeliso ongayisebenzisa ukucacisa imicijo eyisiqokoqela. Akumelanga ufake imizekeliso eminenginengi ucacisa imicijo engaqakathekanga kangako. Kumele ukhethe imizekeliso ezwisiseka lula. (Mat 5:14-16; Mak 2:21; Luk 14:7-11) Kufanele ucabange ngesimo somuntu omfundisayo kanye lalokho akujayeleyo. (Luk 5:2-11; Joh 4:7-15) Nxa ungabona ukuthi umfundi uyakuzwisisa lokho elikufundayo, uzathokoza kakhulu.

BUKELANI IVIDIYO ETHI THOKOZA EMSEBENZINI WOKWENZA ABAFUNDI—THUTHUKISA INDLELA OTSHUMAYELA NGAYO—CACISA IMICIJO EYISIQOKOQELA NGEMIZEKELISO, BESELIPHENDULA IMIBUZO ELANDELAYO:

• 

  Kungani kumele sincedise labo esibafundisayo ukuthi bazwisise amavesi aseBhayibhilini?

• 

  UNeeta wawusebenzisa njani umzekeliso ukuze acacise uRoma 5:12?

• 

  Imizekeliso ezwisisekayo ingabanceda njani abasilaleleyo?

• Nxa sisekutshumayeleni kungani kumele sisebenzise amavidiyo kanye lamathuluzi esiwaphiwa yinhlanganiso kaJehova?