ZINIKELE EMSEBENZINI WOKUTSHUMAYELA | THOKOZA KAKHULU ENKONZWENI YAKHO
Sebenzisa Amathuluzi Okuchwayisisa
UJehova usinika amathuluzi asinceda ukuthi sibe zingcitshi ekufundiseni, agoqela amavidiyo, amaphetshana, omagazini, amabhukwana, amabhuku kanye lethuluzi eliqakatheke kulawo wonke, iBhayibhili. (2Ti 3:16) Uphinda asinike amathuluzi okuchwayisisa asinceda ukuthi sichasise iMibhalo. Agoqela i-Watchtower Library, i-JW Library®, ISIPHALA SEZINGWALO ESIKU-INTHANETHI™ seWatchtower le-Bhuku Lokuchwayisisa LaboFakazi BakaJehova.
Uzathokoza nxa ungasebenzisa wonke amathuluzi olawo ukuze ugebhe ujule eBhayibhilini. Woba leqiniso lokuthi uyabaqeqetsha abafundi bakho ukuthi bawasebenzise amathuluzi la. Lokhu kuzenza ukuthi labo bathokoze nxa sebethola izimpendulo zemibuzo ephathelane leBhayibhili abangabe belayo.
BUKELANI IVIDIYO ETHI THOKOZA EMSEBENZINI WOKWENZA ABAFUNDI—VUMELA UJEHOVA AKUNCEDISE—SEBENZISA AMATHULUZI OKUCHWAYISISA, BESELIPHENDULA IMIBUZO ELANDELAYO:
ULanga wathini mayelana lokudalwa kwezinto?
UNeeta wachwayisisa ngaphi?
Ukuthola amagugu aseBhayibhilini lokuwaxoxela abanye kwenza sithokoze
Wakukhetha njani okwakuzanceda uLanga?
UNeeta wezwa njani ngemva kokusebenzisa elinye lamathuluzi ethu okuchwayisisa?