IMPILO YAMAKHRISTU

Dinga Amacebo Angakunceda Empilweni Ku-JW.ORG

ILizwi likaNkulunkulu liyasinceda ukuthi sibhensele ubunzima obutshiyeneyo esihlangana labo ezinsukwini lezi zokucina. (2Ti 3:1, 16, 17) Kodwa ngezinye izikhathi singabe sidinga ukuncediswa ukuze sithole izimiso eziseBhayibhilini ezingasinceda ezimeni esiyabe sikuzo. Ngokwesibonelo, ungabe ungumzali odinga amacebo angakunceda ekukhuliseni abantwabakho kumbe ungosakhulayo ohlangana lezilingo ezixegisa ukholo lwakho kumbe ufelwe ngumkakho. Nxa ungangena ku-jw.org uzathola izimiso zeBhayibhili ezizakunceda ezimeni lezi kanye lakwezinye ezitshiyeneyo.—Zag 2:3-6.

I-tablet evulwe ikhasi le-jw.org. Kulomzila okhombela engxenyeni ethi OKUFUNDISWA LIBHAYIBHILI.

Ngena ku-jw.org uye lapho okubhalwe ukuthi OKUFUNDISWA LIBHAYIBHILI. (Khangela umfanekiso 1.) Khetha isihloko osithandayo. Kumbe ungene lapho okubhalwe ukuthi IZINTO EZIKHONA > IZIHLOKO EZIHLALA ZIPHUMA ukhethe isihloko osithandayo. (Khangela umfanekiso 2.) Izinto lezi ungazithola futhi laku-JW Library^®.a Uzakukholisa ukukhangela izihloko lezi ku-jw.org loba ku-JW Library. Okunye ongakwenza nxa kulesihloko osifunayo, yikusibhala ebhokisini elithi Dinga eliku-jw.org.

I-tablet evulwe ikhasi le-jw.org. Kulomzila okhombela engxenyeni ethi IZINTO EZIKHONA lomunye okhombela engxenyeni ethi IZIHLOKO EZIHLALA ZIPHUMA.

Bhala izihloko ezilandelayo ebhokisini elithi Dinga, ubusukhetha ongafuna ukuzibala.

Ukukhulisa abantwana
Ukuhlulukelwa kwabasakhulayo
Ukufelwa ngumkakho

a Ezinye izihloko zisatholakala ku-jw.org kuphela.