Lungiselela Khathesi Ukuthi Uzakwelatshwa Njani

Kungani kumele ulungiselele? Kungenzakala ube sengozini kumbe kudingeke ukuthi ulaliswe esibhedlela loba nini. Yikho kungakenzakali lokhu sebenzisa konke esikunikiweyo ukuze uthole indlela engcono kakhulu ongelatshwa ngayo. Ungenza njalo uyabe utshengisa ukuthi uyayihlonipha impilo lomthetho kaJehova omayelana legazi.—Imis 15:28, 29.

Kuyini ongakwenza ukuze ulungiselele?

• Qala uthandaze ubusugcwalisa ngonanzelelo ikhadi legazi okuthiwa yi-durable power of attorney (i-DPA).a Abamemezeli ababhabhathiziweyo bangazitholela ikhadi leli encekwini yamabhuku njalo bathole lekhadi labantwana abancane okuthiwa yi-Identity Card (ic)

• Nxa uzithwele ungacela ebadaleni ifomu labomama abazithweleyo okuthiwa yi-Information for Expectant Mothers (S-401). Ifomu leli lizakunceda nxa kungavuka okuthile okungadinga ukuthi welatshwe ngesikhathi uzithwele langesikhathi ubeletha

• Nxa indlela ozakwelatshwa ngayo izahlanganisa indaba yegazi loba ukuthi ulaliswe esibhedlela, tshela abadala kuseselesikhathi

Abadala bangakuncedisa njani? Bangakuncedisa ukuthi ugcwalise ikhadi lakho legazi. Kodwa abasoze bakwenzele izinqumo loba batsho imibono yabo ezintweni okumele uzikhethele zona. (Rom 14:12; Gal 6:5) Nxa ungatshela abadala ukuthi kungavuka indaba yegazi nxa uselatshwa, bazahle bathintane leKhomithi Esebenzelana Lezibhedlela (i-HLC).

Abe-HLC bangakuncedisa njani? Abazalwane abaku-HLC baqeqetshiwe ukuthi bancede abezokwelapha kanye labezomthetho ukuthi bazwisise esikukholwayo mayelana lokufakwa igazi. Bangaxoxa lalabo abakwelaphayo ngokuthi ungelatshwa njani kungasetshenziswa igazi. Nxa kudingeka bangakuncedisa uthole udokotela ongakwelapha ungafakwanga igazi.

BUKELANI IVIDIYO ETHI ONGAKWENZA UKUZE UKHETHE KUHLE ENDABENI ZOKWELATSHWA, BESELIPHENDULA UMBUZO OLANDELAYO:

• Ufundeni kuvidiyo le okuzakunceda nxa kungavuka indaba yegazi?

  textarea-1