Ubukwazi Yini?
Umthetho kaJehova wokuthi ama-Israyeli ayenganikela ngamajuba kumbe ngenkwilimba wawuwanceda njani?
EMTHETHWENI kaMosi um-Israyeli wayevunyelwa ukunikela ngamajuba kumbe ngenkwilimba. Inyoni lezi zazihlala ziqanjwa ndawonye emthethweni emayelana leminikelo futhi umuntu wayenganikela ngenye esikhundleni senye. (Levi. 1:14; 12:8; 14:30) Kungani lokhu kwakuwanceda ama-Israyeli? Esinye isizatho yikuthi amajuba ayengahlali ekhona. Kwakusenziwa kuyini lokhu?
Ijuba
Amajuba ayetholakala kulo lonke elako-Israyeli ngesikhathi sokutshisa. Minyaka yonke ngo-October ayasuka ko-Israyeli aqonde eningizimu endaweni ezikhudumalayo abesebuyela ko-Israyeli sekukhudumala. (INgoma. 2:11, 12; Jer. 8:7) Yikho ngesikhathi somqando ama-Israyeli ayezathwala nzima ukuthola amajuba okunikela ngawo.
Inkwilimba
Inkwilimba zona azijayelanga ukusuka zisiya kwamanye amazwe, yikho zazitholakala zikhathi zonke ko-Israyeli. Kanti njalo zazifuywa. Ibhuku elithi Bible Plants and Animals lithi “ezigabeni lasemadolobheni onke ePalestine abantu babefuya inkwilimba. Umuzi ngamunye wawulokuyisikhala emdulini lapho inyoni lezi ezazihlala khona.”
Inkwilimba isesidlekeni
UJehova watshengisa ukuthi ulothando lokuthi uyazwisisa ngokwamukela iminikelo yenyoni ezazitholakala ko-Israyeli kuloba yisiphi isikhathi somnyaka.