Bekezela Nxa Uphathwa Kubi

Bala uGenesisi 37:23-28 lo–39:17-23 ukuze ubone ukuthi ungafundani kulokho okwenziwa nguJosefa ngesikhathi ephathwa kubi.

Chwayisisa ngokwakusenzakala ngalesosikhathi. Kuyini okwabangela ukuthi uJosefa aphathwe kubi? (Gen. 37:3-11; 39:1, 6-10) UJosefa waphathwa kubi okwesikhathi esinganani? (Gen. 37:2; 41:46) Ngalesosikhathi uJehova wamncedisa njani futhi kuyini angazange akwenze?—Gen. 39:2, 21; w23.01 17 ¶13.

Gebha ujule. IBhayibhili kalisitsheli ukuthi uJosefa angabe wazilwela ukuze azigeze ecaleni ayeletheswa ngumkaPhothifa. Imibhalo elandelayo isinceda njani sizwisise ukuthi kuyini okungabe kwenza uJosefa wakhetha ukuzithulela? Isinceda njani sibone ukuthi kungani kungamelanga sikhangelele ukuthi sitshelwe konke okumayelana lendaba le? (Zaga. 20:2; Joh. 21:25; Imiseb. 21:37) Kuyini okungabe kwanceda uJosefa ukuthi enelise ukubekezela ngesikhathi ephathwa kubi?—Mik. 7:7; Luk. 14:11; Jak. 1:2, 3.

Dinga izifundo endabeni oyibalayo. Zibuze:

• ‘Yiziphi indlela engingaphathwa kubi ngazo ngenxa yokuba ngumlandeli kaJesu?’ (Luk. 21:12, 16, 17; Heb. 10:33, 34)

• ‘Ngingalungiselela njani khathesi ukuze ngenelise ukuqhubeka ngibekezela nxa ngingaphathwa kubi?’ (Hubo. 62:7, 8; 105:17-19; w19.07 2-7)