Dinga Izinto Ezintsha

Ngesikhathi ulungiselela ukutaditsha zibuze umbuzo lo, ‘Ngikhangelele ukutholani?’ Lanxa kunjalo, ungadingi lokho okukhangeleleyo kuphela nxa usubala. Zama ukubona ukuthi yikuphi okunye uJehova angabe efuna ukukufundisa khona. Ungakwenza njani lokho?

Cela ukuhlakanipha. Thandaza kuJehova umcele akuncedise uzwisise lokho afuna ukukufundisa khona khathesi kulokho okubalayo. (Jak. 1:5) Ungasuthiseki ngalokho obuvele ukwazi.—Zaga. 3:​5, 6.

Sebenzisa okubala eBhayibhilini. “Ilizwi likaNkulunkulu liyaphila.” (Heb. 4:12) Sonke isikhathi nxa sibala iBhayibhili kukhona okutsha esingakufunda kulo okungasinceda ngendlela ezitshiyeneyo. Kodwa ukuze sikuthole kumele sidinge ukuthi mhlalokho kuyini uJehova afuna ukusifundisa khona.

Bonga uJehova ngakho konke asinika khona. Konke uJehova asinika khona okuqinisa ukholo lwethu ‘kunjengedili elilezibiliboco.’ (Isaya. 25:6) Indaba kumbe izihloko obona angani awusoze uzikholise ungazitshiyi, lazo zibale. Nxa ungenza njalo uyabe uvumela ukuthi uNkulunkulu akubumbe futhi uzakukholisa ukubala.