Buyelela Imicijo Eqakathekileyo

Kuyake kukuthwalise nzima yini ukukhumbula izinto obuzibala? Sonke kuyake kusenze. Manje kuyini okungakunceda? Yikubuyelela imicijo eqakathekileyo.

Zama ukubala usima ukuze ucabange ngemicijo eqakathekileyo. Zwana ukuthi umphostoli uPhawuli wabancedisa njani ababezabala incwadi yakhe ukuthi bakwenze lokho. Wabhala wathi: “Nanku umcijo oqakathekileyo.” (Heb. 8:1) Wasebenzisa amazwi la ukuze ancede ababezabala incwadi yakhe ukuthi bazwisise ukuthi wayesitshoni, bazwisise lokuthi umcijo ngamunye wawungenelana njani lalokho ayekhuluma ngakho.

Nxa usuqedile ukubala, zinike isikhathi sokucabangisisa ngemicijo eqakathekileyo oyabe uyitholile, mhlawumbe okwemizuzu elitshumi. Nxa ungasayikhumbuli, okunye okungakunceda yikukhangela izihlokwana kumbe ukubala umutsho osekuqaliseni kwendima ngayinye. Nxa kukhona okutsha okutholileyo zama ukukuchasisa ngamazwi akho. Ukubuyelela imicijo eqakathekileyo kuzakunceda ukuthi uhlale ukhumbula okubalileyo lokuthi ubone ukuthi kungakunceda njani empilweni yakho.