Sisebenzise Kuhle Isibuko

Umfundi uJakhobe wafanisa iBhayibhili lesibuko ngoba lincedisa umuntu abone lokho ayikho ngaphakathi. (Jak. 1:​22-25) Singenzani ukuze sisisebenzise kuhle isibuko leso?

Ungabali ugijima. Nxa singaphonguthi lungu esibukweni besesisuka, singacina singasananzelelanga lokho okumele sikulungisise. Nxa sifuna ukubona lapho okumele silungise khona kumele sikhangelisise iLizwi likaNkulunkulu, okutsho ukuthi singalibali sigijima.

Zikhangele, ungakhangeli okwenziwa ngabanye. Nxa isibuko ungasikhangelisa eceleni, uyabona amaphutha enziwa ngomunye umuntu kulokuthi ubone awakho. Kulula ukuthi nxa sibala iBhayibhili sicabange ngamaphutha abanye. Kodwa lokho ngeke kusincede ngoba awethu amaphutha ayasala elokhe engalungiswanga.

Ungazithwalisi nzima. Nxa singathi sikhangela esibukweni besesibona lokho okuyabe kuphambanisekile kuphela, singadana. Nxa sibala iLizwi likaNkulunkulu akumelanga sizithwalise nzima ngokuzama ukwenza okwedlula lokho uJehova akhangelele ukuthi sikwenze.—Jak. 3:17.