Lungisa Inhliziyo

Nxa sitaditsha iBhayibhili siyabe sifuna ukuthi esikubalayo kuthophele enhliziyweni. U-Ezra uyisibonelo esihle endabeni le ngoba ‘walungisa inhliziyo yakhe ukuze ahlole uMthetho kaJehova.’ (Ezra. 7:10) Singenzani ukuze silungise inhliziyo nxa sifuna ukutaditsha?

Thandaza. Nxa usutaditsha qala uthandaze. Cela uJehova akuncedise uzwisise okubalayo lokuthi ubone ukuthi ungakusebenzisa njani empilweni yakho.—Hubo. 119:​18, 34.

Thobeka. UNkulunkulu uyabafihlela iqiniso abantu abaziphakamisayo abangafuni ukuncediswa nguye ukuthi bazwisise iBhayibhili. (Luk. 10:21) Ungachwayisisi uhlose ukubukwa ngabanye ngolwazi oyabe usulalo. Nxa ungathi utaditsha ubone ukuthi kukhona okumele ukutshintshe, zehlise utshintshe.

Lalela ingoma zethu. Ingoma ziyathinta inhliziyo, yikho zingasinceda silungele ukwenza izinto eziphathelane lokukhonza. Nxa singalalela ingoma singakaqalisi ukutaditsha, ingasinceda silungise inhliziyo.